قصيدة التلفون
الله يصبحم بالخير و يقولكم هذا واحد قاعد بحاله وفجأه دق تليفونه من رقم غريب وصار بينه وبين الشخص كلام
اترككم مع القصيدة
كلّ البشر فـي الاتصـالات يخطـون=يخطون واخطي.. عذرنا هاتف فلان ومن عادتـي ماهتـمّ باللـي يقولـون=من غلط في رقمي .لقى الردّ غلطـان الين جـااء فـي يـوم ..دق ّ التلفـون=شفت الرقم.. لقيتـه اشكـال والـوان فتحت جوّالـي ابعـرف مـن يكـون=سمعـت صـوتٍ فيـه بحّـه وفتّـان قالت لي: انت سعود؟ قلت: ايه بالعون.=لعيونك.. اسمي سعود لو كان ضيـدان قالت :اتظنّي مخطئه. قلت :وشلـون=قلبـي توقّـف مانبـض فيـه شريـان بالهـون يابنـت الاجاويـد بالـهـون=من عـادة الانسـان يرتـاح لانسـان تسمّعـي يابنـت وابلـيـس ملـعـون=اخذي كلام ٍ مصدره صـدق وجـدان ماني بقايل لك: انـا انسـان مزيـون=اطرق ولاله شبه في الانـس والجـان انا ............ وافـي الهـرج مـوزون=اوزن كلامي.. قبـل اقولـه بميـزان وانا الّـذي لاحـبّ ..لايمكـن يخـون=مخلص مدامه حيّ .ويمـوت ماخـان وانـا اذا حبّيـت.. حبّيـت بجـنـون=حبّـي يفجـر داخلـي الـف بركـان وانا الّذي ماطـرد ورى مـن يقفّـون=من صدّ عنّي عمد.. بجزيـه حقـران هذي وصوفي .واكثرالنّاس يشـرون=وانتي عليـك اليـوم تقديـر الاثمـان قالت :اشوفك قمـت يا....... تمـون=تضحـك وضحكتهـا تقاسيـم فـنّـان قلت :الميانه.. ماهي بضحكـة سنـون=احيـان ماتلقينهـاا بـيـن الاخــوان ترى الميانه شـيّ واضـح ومضمـون=اذا اجتمع شخصين.. في قلب ولسـان قالت :كلامك وافـي ٍ يابـن خلـدون=احيان احسّ ان جلستـك بيـن شيبـان يا...... .اسمع كلمة البنـت ميسـون =اسلوبك ووقتك.. مضت دونها ازمـان هـذا زمـن قدواتـه افـلام كرتـون=وهذا زمان ارجالـه اجسـاد وابـدان قالت.. وغنّت لي على وقتـي لحـون=قلت: اسكتي من بعد ماخاطري شـان انا ادري ان الوقت.. من دون في دون=لكن فمـان الله وانـس ِ اللـذي كـان قلته وانا صامل.. وهـي عندهـا آذون=لكنّـهـا ماصـدّقـت سـمـع الاذاان ضاقت ...وخلـق الله دايـم يضيقـون=وانا قفلـت الخطّ..ضايـق وزعـلان ونسيت.. والاجواد في الوقت ينسـون=ماسـمّـي الانـسـان الاّ بنـسـيـان المشكله..بـنـات حــوّا مايسـلـون=دقّت علـي وانـا لهـا شبـه شفقـان قبل آآتكلّم.. قالـت: اسمـع ولاتهـون=اسمي مهو ميسون.. حان الصدق حان الاسم عمشاء وآخـر الجـدّ مصيـون=مهـره ولا طوّعـت بلجـام وعنـان قلت: ارحبي مليون تضـرب بمليـون=اقولهـا مليـون مـن قلـب ولسـان قلت: ارحبي في العين ..ولحافك جفون=وظلالك من الشمس باهـداب الاعيـان ياعيـن حـر ٍ بالمطالـيـع مفـتـون=حر ٍ شـراه مولّـع الصيـد طربـان |
صح السانك
قالت لي: انت سعود؟ قلت: ايه بالعون. --------------------------------------لعيونك.. اسمي سعود لو كان ضيـدان قالت :اتظنّي مخطئه. قلت :وشلـون؟؟ ------------------------------------------قلبـي توقّـف مانبـض فيـه شريـان بالهـون يابنـت الاجاويـد بالـهـون -------------------------------------------من عـادة الانسـان يرتـاح لانسـان |
عبدالكريم تركي
صح لسااااااانك ملايين على هذه القصيدة الرائعه لافض فووووك تقبل كل الود |
عبدالله تركي العنزي
جهودك مميزه في هذا المنتدى الشامخ وصح لسانك على الابيات الراااائعه يعطيك العافيه الذيب ولاهنت دمت للويلان |
الساعة الآن (11:28 PM) |
Powered by vBulletin® Version 3.8.7
Copyright ©2000 - 2024, Jelsoft Enterprises Ltd
شركة استضافة:
استضافة
رواد التطوير
مايكتب في هذا المنتدى لايعبر بالضروره عن وجهة نظر ادارة الموقع وانما يعبر عن وجهة نظر كاتبه