بيت الأحلام
 

الحـــــلم
الخيال الي أنا فيه ابتديت
له بنات الفكر تهيا وتستعد
في خيالي أني بالزين ألتقيت
بس أنا وياه ومامعنا أحد
قمت أقرب له قال لي وش بغيت
قلت أبيك انته ولا غيرك أبد
كل ماقربت رجعت أستحيت
وثم أوقف وهو قام وقعد
قلت أبا اوصفك في عيني رأيت
بأوصفك بأجمل وصفن ورد
ناعم العود وبطولك أستويت
والشعر ليل وعلى متونك ركد
بأجمل الأزوال ترى عندي بديت
كامل والكامل الله وش بعد
كنك الامير في مشيك بهيت
من يراك يخاف وقف يرتعد
بكلي أذوب وأن ضحكت وحكيت
بسمتك تسحر ياوجه السعد
وقام هالخيال وتوي ماأنتهيت
قام ينقلني ألى أبعد أمد
كنها معاي وهي وسط بيت
نفسها الديره وبلدنا ذا البلد
أنا راعي البيت وهي ست بيت
وعندنا بنات وأكثر من ولد
وعندي الأولاد وفيهم أعتزيت
عاصم وعصام والثالث فهد
والبنات أحبهن وبهن أعتنيت
عندليب ورق وأكبرهن رغد
في حياتن هانيه أنا أهتنيت
رمزها الطيبه ومافيها حسد
من ثمار التربية أنا جنيت
صالحين بفضل ربي في رشد
عائله متكاتفة فيها رجيت
كل مايحقق أمالي والسعد
رحت في جوي وضعت وسهيت
وضعت أنا كلي بروحي والجسد
وانا أتخيل وألا فجأه صحيت
وسط غرفه خاليه مافيها أحد
قمت أتحسرومن قهري بكيت
ودي يتحقق حلمي الي أود
وقمت أدعي الله وبأسبابي سعيت
ومن دعا الله لخير الله وجد
راح بي ليلي وبخيالي سريت
لارجع حلمي ولا اني الي رقد
عشت أنا بكلي لها الي هويت
وحبها يبــــــقى وغطا كل حد
بكل معنى حب أنا لها وفيت
وحبها يبقى وأنا الوافي حمد



يهمني رايكم

اخوي حمد لي الشرف في التواجد بهذه المصافحة الرائعة

شــــــكراً لك على هذه الشــــــــــامخـــه بلا حـــــــدود ..

.. تقبل مني عـــــــــاطــــــــر التحــــــــايــــــــا ،،،،



اختك عنزيه

شكرا على هالمرور الحلو ويشرفني اختي افتخر اني عنزيه رايك

حمد الوايلي


صح السانك قصيده رائعه وجميله



وتحمل كل مقاييس القصيده الجيده

وانا لاناقد ولامقيم ولكن لاحضت اختلاف بسيط جداً با لوزن في هذا





قمت أقرب له قال لي وش بغيت



وثم أوقف وهو قام وقعد

بأوصفك بأجمل وصفن ورد

ناعم العود وبطولك أستويت

قمت أتحسرومن قهري بكيت

بكلي أذوب وأن ضحكت وحكيت

رحت في جوي وضعت وسهيت


وانا أتخيل وألا فجأه صحيت

وسط غرفه خاليه مافيها أحد


اعد قراتها جيد ولو حبيت اصححها انا حاضر


بنتظار الشعرا ورايهم

والله يحقق لك منيتك يارب
تقبل كل الود وتقدير

الاخ / حمد الوايلي

صح لسانك يالغالي على ما قدمته من خلال هذه الرائعه

وهي محاوله جيده بالفعل

مع وجود بعض الملاحظات واللتي ذكرها

الاخ الشاعر / فاضي عبدالعزيز

بالاضافه الى ....
(راح بي ليلي وبخيالي سريت)

(عشت أنا بكلي لها الي هويت)

يوجد فيها خلل في الوزن أرجوا أعادة قراءتها وبناء ما أختل وزنه

ولك فائق التقدير والاحترام

على هذه المحاوله الجيده

رد: بيت الأحلام
 

قصيده رائعه ننتظر جديدك

رد: بيت الأحلام