(( الــى .. ســلــمــان الــردســا )) ....!
،،
أسعد الله أوقاتكم .. بكل خير .. اعتذر عن الانقطاع عن المنتدى .. وأقدم لكم هذه المتواضعه .. انمنى ان تشفع لي طول هذا الغياب .. وهي مهداه .. الى النقي .. الذي غمرني .. بفيض وفائه .. العزيز // سلمان الردسا .. آمل ان تنال الاستحسان .. http://www.weelan.com/vb/showthread.php?t=8014
ماني بقايل كيف .. يا صوت تشريف = وفاك .. نفسي فيض جودك .. غمرها يمك يا ابن ردسا .. ومن غير تغليف = صـوت ٍ لشاعر شرهتك .. معتبرها على الوفا جتني حروفك مراديف = تترك على صدر المكارم اثرها والطيب والنخوه وبيض المعاريف = جمـعها ابوك .. وسـط .. راسك نثرها وافي .. ولا قصّرت .. وانا على طريف = اعطيك عذري .. والعلوم وصورها أركض ورى الدنيا .. واضد الصواديف = واغازل الشيمه .. واسدد مهرها ما عنك يابناخي ... مخبا وتصريف = زحمة مشاغل .. شين حظي .. نصرها بين الكويت وبين .. مسعى بتوضيف = افصّل اوضاعي .. وارد اختصرها بــدر .. من الآخر على ادق توصيف = حواجز ايامه يا دوبه .. طمرها وانت تخبر .. نوبات ماهي على الكيف = شف الزمن .. كم // كف طيب ٍ بترها لكن .. تراي بخير وانضاف .. واضيف = لو بعثر .. بوقتي .. يدي ما قصرها اما انت حيشاك الغلط .. وانت تعريف = للنيه البيضا .. بوافي خبرها فإن شفت في زيف اللحى .. والزمن زيف = ونفسي من العالم .. تزايد ضجرها واضيق من .. صادر // ووارد // وارشيف = وفقد الثقه بوجيه .. حقد ٍ نخرها اشوفك .. ويمحى المحل سطوة الريف = واحباط نفسي .. ينجلي مع كدرها واقول .. لـســى بخير .. وانسى الملاقيف = مادام كسر ازوال ذكرك .. جبرها ذي غيبتي .. والعذر صكت صواديف = يا الله عسى نفسي وفاك يعذرها احـــتـــرامـــي للــجـــمـــيـــع ،،.. |
رد: (( الــى .. ســلــمــان الــردســا )) ....!
الشاعر الرائع دائما بدر الحنيف
كان لي شرف المصافحة الاولى فما اجمل صباحي بما طرزته لي بهذه الفاتنة ما عنـك يابناخـي ... مخبـا وتصريـف زحمة مشاغل .. شين حظـي .. نصرهـا بين الكويت وبيـن .. مسعـى بتوضيـف افصّـل اوضـاعـي .. وارد اختصـرهـا هنا عذر شرعي يا البدر لكن .. تراي بخير وانضـاف .. واضيـف لو بعثر .. بوقتـي .. يـدي مـا قصرهـا وهنا اجد بدر كفو يابو غثيث وصح لسانك مدد بلا عدد دائما رائع وسلمان الردسا يستاهل العذر وله حق يشره قصيدة رااائعة بروعتك وتقبل فائق تحيات لجنابك |
رد: (( الــى .. ســلــمــان الــردســا )) ....!
الأخ العزيز
والشاعر الرائع.........والمتميز بدر حنيف صح لسانك ...........ولاهنت قصيدة رائعه بحق .......بحق لأنها من أحساس >>>>>>بدر حنيف لله درك ...........لله درك والشاعر سلمان الردسا يستااااااهل بيض الله وجهك يابدر ودمت بكل خير ودام هذا التميز والأبداع تقبل تحياااااتي |
رد: (( الــى .. ســلــمــان الــردســا )) ....!
الاخ الشاعر
بدر الحنيف بيض الله وجهك ... وصح الله لسانك مدد مع وافر الاعجاب عذر يبيض الوجه
ذي غيبتي .. والعـذر صكـت صواديـف=يـا الله عسـى نفسـي وفـاك يعـذرهـا
بدر الف شكر على هكذا شعر لا عدمناك اترككـ بود |
رد: (( الــى .. ســلــمــان الــردســا )) ....!
بدر الحنيف........
اسم لا يحوز الا الجزالة............. قصيدة رائعة......... قصيدة من العيار الثقيل......... ليس غريب منك جزالتك...... بوح باحساس شاعر مبدع........... اعتذار مليء بإبداع بدر......... صح لسانك........... لك تحياتي........ |
رد: (( الــى .. ســلــمــان الــردســا )) ....!
صح السانك ولاهنت ابو ناصر
بيض الله وجهك .. الرائع دائماً لله درك مااجمل رائعتك وسلمان الردسا يستاهل العذر له ولامجال الا قبول عذرك بعد كل هذا التوضيح . ولكن خالك <<<<< له شرهه عليك اذا تجي للكويت وماتزوره وقد وضحتها انت في هذا البيت بين الكويت وبيـن .. مسعـى بتوضيـف افصّـل اوضـاعـي .. وارد اختصـرهـا دمت بخير ابو ناصر لك الحب كله ابراهيم الغضوري |
رد: (( الــى .. ســلــمــان الــردســا )) ....!
للشعر حضوره وللابداع جماله
الشاعر القدير بدر الحنيف صح لسانك بلاحدود رائعه من روائع شاعراً فذ دائما رائع وسلمان الردسا يستاهل بدر كل ماتحضر يحضر معك الابداع لك مني جل التقدير والاحترام |
| الساعة الآن (10:16 PM) |
Powered by vBulletin® Version 3.8.7
Copyright ©2000 - 2024, Jelsoft Enterprises Ltd
شركة استضافة:
استضافة
رواد التطوير
مايكتب في هذا المنتدى لايعبر بالضروره عن وجهة نظر ادارة الموقع وانما يعبر عن وجهة نظر كاتبه