°~*¤®§(§ شبـــكة ويــلان العـربـيـه §)§®¤*~ˆ°

°~*¤®§(§ شبـــكة ويــلان العـربـيـه §)§®¤*~ˆ° (http://www.weelan.com/vb/index.php)
-   منتدى المختارات الشعريه (http://www.weelan.com/vb/forumdisplay.php?f=10)
-   -   قصيدة الخلوج للشاعر ::محمد العوني:: (http://www.weelan.com/vb/showthread.php?t=10277)

هندي المقبل 28/11/07 (05:54 PM)

قصيدة الخلوج للشاعر ::محمد العوني::
 
خـلـوج تـجـذ القلب باتلى عوالها = تـكـسـر بـعـبرات تحطم سلالها
تـهـيـض مفجوع الضمير بحسها = الـى طـوحـت حسه تزايد هجالها
لـه قـلـت أنا يا ناق كفى عن البكا = لا تـبـحـثين النفس عما جرى لها
لا تـفـجـعـين البال بالله هودى = ولـى خـلـوج خـبـث البين بالها
تـبـكـيـن فـرقا بكرة شدة العرب = ضـاعـت يمين البوش والا شمالها
تـجـيـك يـا ناق الخطا أو تجينها = وان كـان ضـاعـت لك بديل بدالها
لـكـن أنـا الـيوم ما تنعد مصاوبى = ولا عـلـتـي تـبرا ولا ينشكى لها
فـلـو الـبـكـا يا ناق عنى يحلها = بـكـيـت بـيـض أيامها مع ليالها
ولـو الـبـكـا يا ناق يرجع لغايب = بـكـيـت لـين العين ييبس ثمالها
وابـكى على الا ثنين ما ذعذع الهوا = مـدى الدهر لين النفس تلحق زوالها
وابكى على ما صاب نفسى وما جرى = وابـكـى على فتخان الايدي زلالها
وابـكـى عـلـى دار ربينا بربعها = مـعـلـوم خـشم الرعن من شمالها
ومـن شـرق طعسين الأرخم تحدها = بـيـن اللوى والسر ما اطيب سهالها
دار بـنـجـد جـنـة كـان قبل ذا = ومـن صـكـته غبر الليلى عنا لها
وصـفـه من الخفرات بيضا عفيفه = يـفـوق كـل البيض باهر جما لها
حـسـودهـا يغضى الى مر حولها = مـن خـوف عـيـال تربوا بجالها
حـى امـنـا واحـلو مطعوم درها = غـدتـنـا وربـتـنـا وحنا عيالها
بـزور بـنـا مـا مثلها يكرم الضنا = وصـول بـنـا لـكن نسينا وصالها
تـلـقـى علينا الجوخ والشال فوقنا = وهـي عاريه تبكى ولا احد بكى لها
ولا أحد جزع من صيحته يوم سبلت = ولا أحد نشد من بعد ذواش جرى لها
قـلـت آه واويـلاه يـا خيبة الرجا = كـيـف أمـنـا تـهضم وحنا قبالها
يـا طـارش مـن فوق سراقة الوطا = هـمـيـم الى سارت ذعرها ظلا لها
حـابـل ثـمان اسنين ما مس خلفها = ولا بـركـت لـلـشيل جملة حمالها
الـى بـدالـي لازم قـلـت شـدها = واضـبط عن الفزات مقضب حبالها
ولا نـعـتـنى بالخرج ماذي بحزته = شـل قـربـة واجعل زهابك عدالها
فـالى شلت خذلى بالرسن قدر ساعه = أبـلـغـك فـي دق المسايل جلا لها
والـى خـتـمـتـه بـالسلام فحثها = مـن دار ابو جابر سقى الغيث جالها
اوصـيك يا مرسال بالسير والسرى = واحـذرك نـوم الـليل عينك ينالها
الـى سـرتـها عشر وخمس مغرب = مـرواحـك الـشـام مـنها منا لها
والى جيت سوق العصر ياتيك غلمه = تـخـثـع بـزينات البريسم انعالها
يـقـولون لك ياصاح عطنا علومك = بـلـدان نجد عقبنا وش جرى لها؟؟
قـل كـل بـلـدان القصيم وغيرها = عـن الخوف زاموا دون جاله رجالها
مـيـر داركم من عقبكم تندب الثرى = تـبـكـى على الماضين واعزتا لها
لـعـبـوا بها الاجناب لا رحم حيكم = والـبـيـض بـالبلدان شتت لجالها
شـيـا بكم تضرب على غير موجب = مـن عـقـب كبر الجاه تنتف سبالها
أولاد عـلـى الـيوم ذا وقت نفعكم = لا رحـم أبـو نـفـس تتاجر بمالها
أولاد عـلـى ان الـلـيالى قصيرة = ولا لـلـفـتـى غير الثنا من نوالها
أولاد عـلـى الـيوم ما هوب باكر = قـومـو بـعزم الليث ماضي فعالها
لا تـتـبعون الهون والعجز والعسى = او ربـمـا او لـيـت يعتب سوالها
جـود ورجا يا نا س ما هيب عندكم = هـذيـك مـا لحقو هل القول جالها
وذى قـالـة مـا يـنطحه كود نا در = اولاد عـلـى مـن بـكم قال انا لها
ترى مركب الاخطار هو مصعد العلى = ولا يـدرك الـمقصود غير احتمالها
وتـرى بـالسيوف المال والعز والبقا = والـجـنـه الخضرا بخضرة ظلالها
قـومـو بـراى الله واقضوا ديونكم = أنـتـم هـل الـقالات ما أنتم رذالها
مـدام ابـو جـاب على العز والبقا = عـنـا ثـقيلات الحمول ارتكى لها
الـى احـتـرك سبع القبايل تحركت = والـى رسـى ترسي رواسي جبالها
قـومـوا بـرايـه ثم راي ابو ثامر = ابـو كـلـمـة يـافي بها حين قالها
عرق الصخا بحر الندى مرهق العدا = لااشـتـبـت الـهيجا تعرفه رجالها
هـيـج سـباع الحرب بالبر والبحر = والـشـمـس تشكي منه عجه ينالها
ومـصـقـلات الـهند تدعي له البقا = لـولاه كـان اصـدت بغمده سلالها
نـشا مولع بالحرب والضرب ماشكا = والـخـيـل والعيرات تشكي هزالها
مـن كثر مامسه على السير والسرى = مـن كـثـر ماخاضت مهامه سهالها
قـوي بـاس مـايـلـين الى مضى = الى ضكته صعب الحمول ارتكى لها
شـال الـحـمول الثقيله يوم جدعت = عـفـى زمـول جـدعـتها وشالها
تـذرى بـه السرحان والفهد والاسد = مـن هـيـبـته كل وقف في ظلالها
اقـسـمت بالمولى وبالنور والصمد = واشـهـد بـسكاب المطر من خيالها
مـاجـابت الخفرات سعدون او مشى = مـثـله على وجه الوطا من رجالها
من مثل ابو ثامر الى ضبضب القتر = والـخـيـل زاد مـن البلنزا جفالها
لـه هـدة مـاقـيـل ابـازيد هدها = ولاعـنـتـر الـمشهور ماقيل نالها
عـلـى سـابق تعطى على مايريده = مـيـتـم ضـعـافين القبايل عيالها
تـلـقـى كـما لطم العرانين فوقها = مـن خـوف عـيـال تذكر مجالها
شـبـيـبـة تـلـقى مقاديم حربها = وذا مـن قـديـم طـبع عمه وخالها
الـى صـاح بالمنشا وساروا وسبلوا = وردوا مـثـل سـيل حدر من سبالها
نـشـامـا يرون الموت هو متجرهم = ومـجـادل الـفـرسان حدر جدالها
ابـلـحـق انـا بعض الشبيبه ملامه = وتـكـرم عـلى شين الملامه سبالها
قـل كـيـف عـبـدالله تعدوه وابنه = مـلـحـق قصيرات السبايا طوالها
خـلّـى مـساعير الصريف ترودهم = والـضـبـعـة العرجا تنادي عيالها
وهـم يـزرعون العيش ماكن كارهم = ويـلاه يـاعـيـن تـزايـد همالها
لـولا ابـو ثـامـر يـبـرد بفعله = فـرض سـنة الشغموم ميتم اطفالها
سـنـة مـهـلهل عن كليب خليصه = فـرضـهـا ابو ثامر وجدد اسمالها
ذبـح بـعـبـدالله شـيـوخ كثيره = مـصـابـيح ظلما بالدجى ينعنى لها
ومـن عـقـبهم ميه وعشرين لحيه = ونـفـسه وعينه ماقضى عشر مالها
وان عاش ابو ثامر وساعف له الهوى = كـم خـفـرة ترمي الغطا من هبالها
تـبـكـي قـصايرها وتبكي حليلها = وتـبـكـي مـشافيقه وترمي دلالها
هـذا وتـم الـقـيـل والله به الرجا = وصـلوا على المختار مااهمل خيالها

سعوط المجانين 29/11/07 (04:12 PM)

رد: قصيدة الخلوج للشاعر ::محمد العوني::
 
السيف القادم


لاهنت على القصيده التي تعد من اقوى القصائد ومن قوة تأثيرها سحب ( عقيلا ً ) وهم من اهل القصيم سحبهم من الشام لكي يحاربوا ابن رشيد بقصيدته

الشهيره اعلاه الخلوج


تقديري الجـم

...

سعود المسعودي 07/12/07 (02:57 AM)

رد: قصيدة الخلوج للشاعر ::محمد العوني::
 
احسنت
ومشكور
على
النقل الموفق


الساعة الآن (03:01 PM)

Powered by vBulletin® Version 3.8.7
Copyright ©2000 - 2024, Jelsoft Enterprises Ltd
شركة استضافة: استضافة رواد التطوير
مايكتب في هذا المنتدى لايعبر بالضروره عن وجهة نظر ادارة الموقع وانما يعبر عن وجهة نظر كاتبه