يا زين لو زاد الفراق و تغيّبت = تبقى بقلبي و اقرب الناس ليّه
تطري على قلبي من السبت للسبت = يا زين كل شوي تطري عليّه
و لو قيل لك اني من سبايبك شيّبت = صدّق ترا مشاعري لك قويّه
حبك بقلبي يالغلا نابت ٍ نبت = و اسقيه بالذكرى صباح و عشيّه

لو يدري المريخ عن حالة الأرض = ما يفكر انه يوم يقبل أهلها
ما هي حقيقه بس لو نفرضه فرض = وش حالة المريخ لو هو قبلها
راحت حقوق الناس بالطول و العرض = و براءة الأطفال كلن قتلها
اقول خلك ساكت / بواقعك إرض = الناس ما يفرق رضاها و زعلها

رفيق وقت اللازمه حر يندز = و رفيق مثل السمّ داخل وريدك
بعضهم بخوتك يبغى يترزز = و باللازمه ينكرك / ما هو مفيدك
يطوي صحايف مامضى و يتعجز = ما ترتكي به عقب ما هو سنيدك
لكن حذاري يا محمد تنرفز = اضحك بوجهه لو يحاول يبيدك
بعض البشر يبغا له لحيم مع رز = و تلقاه جنبك واحد ٍ من عبيدك

قالت : وش اللي يستفز الرجاجيل =قلت : الرحيل اللي بلا عذر و اسباب
قالت : تعال و عطني من المواويل =نويت اغيب و شفتك مقفل الباب
قلت : ان رحلتي صافحت كفي الليل =و بديت مع ليلي سواليف و عتاب
نشرب فناجيل الشقا و الغرابيل =من دلة العشّاق و العشق كذاب
قالت : سعد تقدر تهز الفناجيل؟؟ =ليا صرت فاقد من زمن شوف الاحباب
قلت ارتوي دام الليال المقابيل =ما عشمتني في لقاء صاحب(ن) غاب

ليت الشعور اللي سكن صدر مغليك ..
يسكن بصدرك ما يفارق ضلوعك ..

آرهـت علي وصـآلها ثم غــآبت
و آقفت مثل غيمة تهآمل مطرهآ