محاوره بين ... عبد العزيز القلادي و شافي بن راشد العجمي
السلام عليكم ورحمة الله وبركاته
هذه المحاوه احببت ان انقلها لكم وهي بين الشاعر / عبدالعزيز القلادي والشاعر / شافي بن راشد العجمي شافي بن راشد
ياسلام الله سلام على حسب الاصـول=وصلو الشعار ياهل القلوب الصافيـه ودي الليله مع الشعار انصول او نجول=ومن قصير السان يسري ورجله حافيه عبد العزيز القلادي
مرحبا ترحيب وافي يمر بكل حول = كل حولٍ بالسنه لك يمر بقافيه خذ قناعه ياعميلي عسى عمرك يطول =القصير ما يطول والوفا بالوافيه شافي
البقا بك ياعميلي عدد حيد ابو الهـول=كل حيده فوق حيـده وعـد الخافيـه الحروب اليا بدت تسمع قريع الطبـول=جاك رمحن ياعميلي من راس مشرافيه عبدالعزيز
ياعميل الخير ليت الجمل شال الحمول =جعل روحٍ ٍ عايشه تطلب الله العافيه لا تقرقعك الطبول انت ياراع الذلول = بالمعارك خيل وسيف والرقاب الهافيه شافي
الجمل فوق الظهر حمله الليله مجـدول =ونت راعي العمله اللي معى الصرافيه ولن بغيت الجد اضنك على الطبله تجول= مثل عودن وسط بيتـه ونـاره طافيـه عبد العزيز
الجمل ماهمه الحمل مع اربع فصول = لا تطق الباب والناس عنك غافيه ماحـلآ تغريد طيرٍ خرج من وسط جول =لا تقرب يـم ناري ويدينك دافيه شــــــــــافي
ماني والله صيدتك انت يابوعيون حول=وحن طيور مقرنسه وطيور اصنافيـه المشامخ بالظافـر وتفكيـر بالعقـول=والاوادم تعـرف الرايحـه واللافيـه عبدالعزيز
ماني قايل ياصديعٍ(ن) ولاأقول امهبول = مير اقول الله يعينك ياطيري كافيه انت لو برقت بين المسنع والميول = مع نسانيس الهوى لا تجيك السافيه شــــــــافي
ابشر اني افتح الخـط ورد الحلـول=اسئلـو ياربعنـا والاجابـه شافيـه راكبين الطايره مالدوا راعي الرحول =والملاعب بين مطلق وبين صيافيـه عبد العزيز
ويا محللت الحلول ويـش هو عكس الذبــول = ما خبرتــك يابن راشــد بـحزب ائتـلآفيــه لا تـطيح الطايره بعد ما تطلع نـزول =وأعـــــتـبر ان المـعــــــاني بجــــيــــش المافيـــــــه شــــــــافي
يامعلم ابلش الطلاب في بعض الفصـول=عكسهـا النضـوج يابوحمـول خفافيـه بنشدك عن رجل معروف وبرجله حجول=ون زهمته شب نارك ولو انهـا طافيـه عبد العزيز
يا عميلي يستمع لـي تـرى اهـل العقول = ميز الجـره وتلقا هـروج وافيــــه يامـدور للمـطر والسحابه والسيـول = ان لقيت اللي ربيعك جــعـــلـها عافيه شـافي
ياصباح الخير ولاعساها بالخلـول=حد بالصمان وحدن على الطرافيه يامضيع الاجوبه لاتردد بالطلـول=واللغز حله منفاخ النيره اللي طافيه عبد العزيز
يا صباح اتضيعه بين عادل ومعدول = ما خبرت اللي بداره يحب النافيه والله اني عارفٍ مير وش ودك تقوول =السحابه والسيول ويش معها ضافيه وســـلامتكم |
عبدالعزيز
ياعميل الخير ليت الجمل شال الحمول ............................ جعل روحٍ ٍ عايشه تطلب الله العافيه ******* لا تقرقعك الطبول انت ياراع الذلول .......................... بالمعارك خيل وسيف والرقاب الهافيه شكرا لك يالمهاجر على نقل هذه المحاوره الجميله وصح لسان الشاعرين والشاعر عبدالعزيز القلادي شاعر كويتي جديد على الساحه |
مهاااااااااااجر
يعطيك العافيه وسلمت يمينك على نقل هذه المحاوره الرائعه والجميله بين الشاعرين واسمح لي فقد قمت بتنسيقها قليل" ارجو ان ينال اعجابك دمت بكل خير |
الاخوان
محمد الدلماني مزيد المزيد الشكر لتواجدكم وردودكم وتمووووووووون ياخوي يامزيد بالعكس كذا احلى |
أخوي مهاجر أسعد الله جميع اوقاتك
الله يعطيك العافيه محاورة شيقه استمتعت بها كثيرا لك كل الشكر والتقدير دمت بخير |
مشكور على نقل هذه المحاوره
ولنا بهذه المحاوره رأي آخــــــــــــــــــــر. تحياتي ......... |
شكرا لك يالمهاجر على نقل هذه المحاوره الجميله
|
الساعة الآن (12:17 AM) |
Powered by vBulletin® Version 3.8.7
Copyright ©2000 - 2024, Jelsoft Enterprises Ltd
شركة استضافة:
استضافة
رواد التطوير
مايكتب في هذا المنتدى لايعبر بالضروره عن وجهة نظر ادارة الموقع وانما يعبر عن وجهة نظر كاتبه