((اشهر المحاورات على الاطلاق))

جرت احداث هذه المحاوره بين عمالقة
المحاوره مستور بن تركي العصيمي
وعوض الله السلمي ابو مشعاب



مستور




ياسلامي عد وبلٍ يـوم هلّـي لاح براقـه ورعـده فالخيالـي
جيتكم عندي خبر وابغى خبر من عندكم بوجودكم فرصه سعيده
هات ياعوُض الله الاخبار قلّي لاتسوي لك محايـل واحتيالـي
خلنا نسري على نور القمر نور القمر يكشف لنا الدار البعيـده




ابو مشعاب




ياهلا يامرحبا بالصاحب اللّي صحبته دامت شهر واربع ليالي
كل ماغلق شهر واقبل شهر يبغى لنا نعمل معه صحبه جديده
وش تنشد عنه بعد الوقت زلّي سد في حالك وانا بسد حالي
السؤال المعتبر يامعتبر نكتب جوابه لك بصفحات الجريـده




مستور




ياعميلي كل ماصلى المصلّي علمكم يطري على فكري وبالي
واحدٍ غاب وحظر وليا حظر جاكم وقابلكم على قيس الوعيده
مابغينا حبلها ينحل حلّي والحِيَـل حلّـت معاقيـد الحبالـي
خل بابور البحر جوف البحر ياصاحبي والله يدبّر مايريـده




ابو مشعاب




يالعصيمي ماأنت داري وش حصلّي كل ماجيتك لقيت البيت خالي
قالوا انّك في سفر يابو سفر لاعاد توعدنـا وسفراتـك عديـده
ليه عن دارك يابو زيد إمتجلّي دار ماهو لك مايحسب راس مالي
ليت ابو زيد إعتذر لو إعتذر قلنا فمان الله عسى الطرقه مفيـده




مستور




من يدوّرني لقاني في محلّي مرسـيٍ سـوات ماتـرس الجبالـي
مير عينك ماتحقق بالنظر حقّ النظر واوصيك في حسن العقيـده
خلّها فـي راس مفلاهـا تفلّـي لاتجفّلهـا تنيـر مـن المفالـي
علمها دوبه على بالي خطر واللي خطر في خاطري معنى القصيده




ابو مشعاب




ياعميلي لي مواقيفٍ تسلّي يشهدون اهل اليمن واهـل الشمالـي
مابغينا نخبط اغصان الشجر راع الشجر طمعان فيـه الله يزيـده
وش تبي بالشمس وانته جوف ظلّي لاتعمد الشمس خلك فالظلالي
مايضد إميَة نفر واحد نفر وانظـر بعينـك فالسبـور وفالقعيـده




منقول ..