ديوان الشاعر الشيخ:::سعدون العواجي:::
~®§§][][ الشيخ :: الشاعر سعدون العواجي][][§§®~
يـاراكـب الـلي مالهجها الجنينا=مـاهـي وحـدها ثامنة له ثمانا فـج الـنـحور محجلات اليدينا=مـن ساس عيرات وابوهم عمانا يـلـفـن لمصلط ترثة الغانمينا=قـل ارحلوا عن جوكم صار مانا نـبـي نـدلـه مقرعات الحنينا=أذواد مـن رعـي المخافة سمانا مـاهـم بورث اجدودنا المقدمينا=كـسب بالايدي من حلايب عدانا نـفـكـهـن مـن لابة معتدينا=ومن دونهن عود العريني عصانا يرعن بظل عقاب مروي السنينا=الـلـي لـيا صارت علينا حمانا وقـولـوا تـرانـا يمهم مقبلينا=ويـقصر عن الطولات كانه بغانا عـدونـا نـجـيـه لو مايجينا=ونـضفي على عدونا من خطانا ونـركب على اللي كنهن الشنينا=خيل الصحابة ماعترضهن حصانا والـموت عند قطيهن وأن حدينا=ويـاسـرع رد وجيههن مع قفانا
قـالواعلامك قلت من قل الافزاع=صـيحة خلا ما عندي الا الهذاريم إلـى بغيت الحق من شامخٍ ضاع=يـطرّم عـليّه دايخ الراس تطريم يـبـعدعن القالات طقّه بالاصباع=مـن قـلّـةاللي يضربه باللهازيم لياصار ماتوفي عميلك من الصاع=مـا ينقعدلك عند حصن النّواهيم شـبـرٍمن البيدا يعوّضك الافزاع=وسـود الليالي يبعدنك عن الضيم
ياونة ونيتها تسع ونات = مع تسع مع تسعين مع عشر الوفي مع كثرهن باقصى الحشا مستكنات= عداد خلق الله كثير الوصوفي ونة طريح طاح والخيل عجلات=**ره حدا الساقين غاد سعوفي على سيوف بالملاقى مهمات=سيفين أغلى ما غدا من سيوفي وعلى محوص بالموارد قويات=أسقي بهن لو القبائل صفوفي احشم بحشمتهم ولو هن بعيدات=وأنام لو ان الضوارى تحوفي خليتني ياعقاب ما به مروات=عيالك صغار والدهر به جنوفي من عقبكم ما نبكي الحي لو مات=ولاني على الدنيا كثير الحسوفي ياطول ما جريت بالصدر ونات=على فراق معطرين السيوفي ياعقاب عقبك شفت بالوقت ميلات=واوجست انا من ضيم بقعا حفوفي مرحوم يا ناطح وجيه المغيرات=إن جن كراديس السبايا صفوفي مرحوم يا مشبع سباع مجيعات=وعز الله أنه عقبكم زاد خوفي الخيل تدري بك نهار المثارات=ياللي على كل الملا فيك نوفي والخيل تقفي من فعولك معيفات=تاطا شخانيب الرضم ما تشوفي |
الساعة الآن (12:05 AM) |
Powered by vBulletin® Version 3.8.7
Copyright ©2000 - 2024, Jelsoft Enterprises Ltd
شركة استضافة:
استضافة
رواد التطوير
مايكتب في هذا المنتدى لايعبر بالضروره عن وجهة نظر ادارة الموقع وانما يعبر عن وجهة نظر كاتبه