يقولون مال العبد ندن عن المقسووم
قصيده رائعه للشاعر راجح الشامري العجمي يقولون ماللعبد بد عن المقسوم = وأنا أقول صح ويقنع العبد مقسومه عسى الله يعين اللي توافد عليه إهموم = هموم(ن) تخلي طبلة الراس منجومه ترى والله انه مايكدر عليك النوم = سوى كلمة(ن) من بعض الاصحاب مسمومه إليا جت من الغالين وإلا الرخوم رخوم = ولا أمحق من الغالي إليا شانت علومه ضعاف الروابع تبتلش والقروم تشوم = ولاهيب لا شامت من الشين مليومه ولا أزين من القاع الخلا والوجيه سلوم = ولا رفقة(ن) مع طول الايام ملغومه ولا ألذ من عشرة شريف من أقصى القوم = يبادلك فعل الطيب معناه وسلومه ولا شفت في جو الصداقه غبش وغيوم = عطيت الدروب اللي مع الارض مرسومه ولا مثل عز النفس لو مامعك مطعوم = وعن أهل الشماته خل الاسرار مكتومه معي لو سمحت شوي عقب عداك اللوم = أبعطيك عن بعض الرياجيل معلومه ترى اللاش لو وقف معك في حياته يوم = تشوف الردى متبين فيه من يومه وأنا أقول لو إن في وجيه الرخوم وسوم = عرفنا نميز قيمة النذل بوسومه علشان نجلس مع رجال الوفاء ونقوم = ونبعد من اللي عند الاجواد مذمومه وأنا أسمع مع أهل التجربة في الحياة علوم = بعضها صحيح وبعض الاخبار موهومه يقولون وكر الحر ما يعتليه البوم = وأنا شوف عيني وكر حر(ن) تحت بومه |
رد: يقولون مال العبد ندن عن المقسووم
معيض بن عريفج
صح السانك ولسان شاعرها وتسلم يمينك ع الانتقاء المميز دمت بخير |
. . . شاعرنا معيض بن عريفج عز الله انك طيّب وما جبت إلا الطيّب :) لله درك على هذا الانتقاء الجزل المتعمق في الحكمة راجح الشامري العجمي يصح لسانك وبووحك وفكرك ولاعدمناكم هيــــااااا |
رد: يقولون مال العبد ندن عن المقسووم
ولا مــثـــل عـــــز الـنــفــس لـــــو مــامــعــك مــطــعــوم ** وعــــن أهــــل الـشـمـاتـه خـــــل الاســـــرار مـكـتـومــه
صح لسان شآعرها وتسلم يمين ناقلها ... ابداع في كلاهم : انتقاء وبدع . تحياتي المعطره . |
رد: يقولون مال العبد ندن عن المقسووم
صح لسان الشاعر راجح عزالله انه كفى ووفي
ولاغريب ان تكون ذائقة شاعر جزل مثلك يامعيض الجزاله شكرا لك |
الساعة الآن (07:43 AM) |
Powered by vBulletin® Version 3.8.7
Copyright ©2000 - 2024, Jelsoft Enterprises Ltd
شركة استضافة:
استضافة
رواد التطوير
مايكتب في هذا المنتدى لايعبر بالضروره عن وجهة نظر ادارة الموقع وانما يعبر عن وجهة نظر كاتبه