تكفوون فزعتكم للشاعرثاني بن جلعود الدهمشي وانتم قدهااا
http://www.tgareed-hail.com/up//uplo...a0077737ef.gif http://www.tgareed-hail.com/up//uplo...90dbd088a9.gif بسم الله الرحمن الرحيم الله يسعد مسى الجميع بالخير والسرور
ياعيال وايـل والمواقـف دلايـل =ياهل النخـاوي كاسبيـن النفايـل ثاني يبا الوقفة من اهـل الجزايـل=ونعم (ن) بكم ياهل الخيول الاصايل تكفووون فزعتكـم يـاولاد وايـل=ياهل العلـوم الطيبـة والجمايـل تابعنا بداية انطلاق شاعر المليون ليلة البارحة وراينا الشاعر القدير / ثاني ثويني ابن جلعود الدهمشي العنزي ومشاركته المميزة http://up.arab-x.com/Dec09/gko14174.jpg هام قلبٍ ضيقته مصدر افراحه .. و غاب فكر ماخذ من الهوى لونه .. و الوفا لا خان صاحبه ذباحه .. و كذبة بالصدق حيه و مدفونه .. ( من ورا المعنى كفخ شعر بجناحه .. مخلبه قصدي و صيدته مضمونه .. ) جيت لك مكتوب يا شاطي الراحه .. شاعرك ابكى كثيرين يقرونه .. مبدأه ثابت شف الوقت برياحه .. ما قدر للجذع كسر من غصونه .. عادته لامر هاجسه بجراحه .. صير العقيل غاوين بجنونه .. بابه المقفول مفقود مفتاحه .. و خلف بابه كل الاسرار مسجونه .. معركته المجتمع فكره سلاحه .. و النصر وارد و همته مشحونه .. دلت نيوتن على المجد تفاحه .. طاحت و كانت ولاده لقانونه .. يا صديق الأمس في طارف الساحة .. او عدو اليوم جو امس وشلونه .. ما وحشك الفقر و موايق اشباحه .. شفني اشبع جوع و الفقر ما اخونه .. الرصيف يحن و الحزن يجتاحه .. لو قدرنا نجتمع يوم من دونه .. ليه يا ورده تكونين فواحه .. و انتي بروضٍ قفر ما يمرونه .. كم يموت انسان ما نايحٍ ناحه .. غير اخوه و لا لقى من يعزونه .. يفرك المبلي من الضيق مسباحه .. و لا تشاور طيحة دموعه عيونه .. الغدير و نخلته شكلو واحه .. و الفقير و لوعته مثلوا هونه .. قاد تايه في دجى الليل مصباحه .. و تاه قايد تتبع اقدامه ظنونه .. قلت ما يغني غموضه عن ايضاحه .. و الهقاوي عند الآمال مرهونه .. / قـال الكـاتب والصحفي / حماد الحربي .. عن النص الذي قدمه ثـاني النص الذي قرأته لثاني هنا: يعبر بشكل دقيق على تجربة ثاني الدهمشي الشعرية خلال السنوات الماضية..وجاء ليبرهن على أن هذا الشاعر قادر على التفرد دائما في كتابة نصوصه..ثاني يكتب بطريقة مختلفة ودائما ما يختار بحرا وألفاظا وصورا ولغة خاصة به ..ولديه قدرة كبيرة على كتابة أفكار جديدة ومبتكرة في كل نص يقدمه ..أنظروا لقصائده المنتشرة هنا وهناك تجدون أنه صاحب خط ثابت وشاعر مبتكر من الطراز الأول ...ويتعب كثيرا على أفكاره وصوره .. ودائما ما تأتي قصائد ثاني التي نعرفها وجدانية أو متحدثة عن معاناته الشعرية الخاصة مع المحيط الذي حوله ...وهذا النص الذي قدمه على شاطئ الراحة جاء ليعزز هذه النظرة .. وعلى الرغم أن النص جديد وكتب في ذات الغرض الذي طرقه ثاني كثيرا إلا أنه حفل بالكثير من الافكار والصور الجديدة ..وهذا بالتأكيد نابع عن بوح ذاتي لا يمكن أن ينضب عموما ثاني قدم نصا متفوقا ..والنص المتفوق دائما لا يأخذ حقه في شاعر المليون .. بالتوفيق ..أيه ( الثاني) الذي تسبقه التباشير دائما للتصويــت : من المملكه العربيه السعوديه 82995 جوال 6341 موبايلي من الكويت الكويت 1426 وطنية 97784 زين من جميع انحاء العالم 00248985136 طريقة التصويت : فقط تضــع رقم الشاعر ثاني الدهمشي وهو الرقم 5 دون أي أضافات أخرى وارسال على رقم بلدك وأن شاءالله أنكم قدها ياعيال وايل |
رد: تكفوون فزعتكم للشاعرثاني بن جلعود الدهمشي وانتم قدهااا
يستااااااااااااااهل ثاني وابشر بعزك وبيض الله وجهك ..
|
لعيون ثاني الدهمشي
شعللوها يا الويلان . http://mizou5.com/uploads/images/sa-8c392078ce.jpg ثاني يستاهل كلمات ارتجلها ثاني عند دخوله لجمهور شاطيء الراحة . http://mizou5.com/uploads/images/sa-47a2c98d4a.jpg . . |
رد: تكفوون فزعتكم للشاعرثاني بن جلعود الدهمشي وانتم قدهااا
ابشربعزك اشهد بالله انه يستاهل وعيال وايل كلهم يستاهلون الفزعه
تكفون يالويلان تكفون تكفون=قال المثل تكفى تهز الرجاجيل الوضع شوف العين وانتم تشوفون=الدهمشي نسل الرجال الحلاحيل لازم يفوز ومثلكم مايتخفون=باللازمه والطيب جيل بعد جيل نافع عيد الجديد الخمعلي |
رد: تكفوون فزعتكم للشاعرثاني بن جلعود الدهمشي وانتم قدهااا
اقتباس:
تسلم يالغــــــــــااالي الله يرفع قدرك وهذا العششم فيكم كبيرر ووجهك ابيض ولاهان راسك ردك تاج على الراس لاهنت |
رد: لعيون ثاني الدهمشي
اقتباس:
حياك وبياك يالبناخي مرورك والرد مع الاضافة تشجيع لنا اعزك الله ودمت شامخ مع التحية |
رد: تكفوون فزعتكم للشاعرثاني بن جلعود الدهمشي وانتم قدهااا
اقتباس:
هلااا هلااا وغلااا بالذهب والمذهب نافع الخمعلي صح الله لسانك يالقررم والله يرفع قدرك يالذيب ويسسسلم راسك وافي طال عمممرك اطهر تحية لجنابك تقديري |
| الساعة الآن (03:27 PM) |
Powered by vBulletin® Version 3.8.7
Copyright ©2000 - 2024, Jelsoft Enterprises Ltd
شركة استضافة:
استضافة
رواد التطوير
مايكتب في هذا المنتدى لايعبر بالضروره عن وجهة نظر ادارة الموقع وانما يعبر عن وجهة نظر كاتبه