صكااات بقعاء
ليكم هذه الدرر الرائعه لشاعر القدير/ ذياب بن عبيد الحيسوني الحربي والتي تعبر عن نفسها آمل ان تنال استحسانكم ورضاكم لا يا وجودي وجد مـن داور الحيـلات = صكـات بقعـاء حـول دنيـاه مفتـرة على تسعة وتسعين من دفعة الشاصـات = توه جديد الصنـع مـن منطقـة حـرة بثـلاث ميـة ألـف مدفوعـة شيكـات = من غير عشرين ألـف بالتانكـي كـره أول مديل ألفيـن هـو آخـر التسعـات = من الباخرة مر الجمـارك علـى بـره ريح الغمارة مـن حفيـزه وديكـورات = يبري نفوس من عناء الوقـت منضـرة شغله مع التمرين كلـه سبـع ساعـات = لو مرنـه يوميـن وافتـك مـن شـره شده بتنكر مـي حملـه عشـر خانـات = من ضيم ثقـل التانكـي بالدبـل جـره عقب طويل الجـوف متنطـح طلعـات = اللي يعرف الوصف قبلـة عـن الحـرة حط المروت يسار وابدايـة العسـرات = شمس الظهر فـي جامتـه كنهـا غـره قـام يتحـدر ويتسنـد مـع الصقطـات = وحرارته خمسيـن مـا يقـال محتـرة يسمع قنيب المروحة غير ماش أصوات = ولطش الهواء بتـروس قيـره ليـا زره حضر عليه ابليس يذكـر زمـان فـات = يقول غيـر السقـس مـا فيـه بالمـرة فوق ميتيـن درام حتـى مـع الميـلات = يمشي بهن مرتاح والحمـل مـا ضـره لو قال ما شاء الله وأكثـر مـن الأيـات = هو القوي وابن آدم أضعف مـن الـذره أظلـم عليـه الليـل مـا وده الوقفـات = بأرض خلا حتى العرب ما لهـم جـره من يوم شافه قال صعب على السقسـات = على الطريق اللي مشى غصب ومكـره بآخر طلوع موصف لـه مـن اللفـات = ما أدري وش اللي صار كنه سمع كـره نزل أنبير الزيـت وارتجـت المكـرات = وحدا السبايك قرشعـت بآخـر الصـرة طفـا بواحـد مولعـات(ن) بـه اللنـبـات = ودقه سويك وفـوت السلـف مـا فـره قلبـه طـواه الهـم ويجاحـده بسكـات = ويحـاول إنـه يشتغـل بـس هالمـرة حول وشاف الزيت ينقط على السستـات = وشاف البـلاء والهـم والعيشـة المـرة قطع فلوسه وسـط جيبـه مـع الاثبـات = عقله يجي ويـروح لا شـك مـا سـره جاب الحطب وسط الغمارة على الفرشات = آخر تصـرف وسطـه النـار موتـره شب الحريق وزادعقب الدريـول مـات = تبكِي عيـون الـي يشوفـه اليـا مـره |
رد: صكااات بقعاء
حــــط الــمـــروت يــســـار وابــدايـــة الـعــســرات\شــمــس الـظــهــر فـــــي جـامــتــه كـنــهــا غـــــره \
قــــــام يــتــحــدر ويـتــســنــد مـــــــع الـصــقــطــات\وحـــرارتــــه خــمــســيــن مــــــــا يــــقــــال مــحـــتـــرة \ يسمـع قنيـب المروحـة غيـر مـاش أصـوات\ولـــطـــش الـــهـــواء بـــتـــروس قـــيـــره لـــيــــا زره \صح السان الشاعر ذياب ويعطيك العافيه على الاختيار |
رد: صكااات بقعاء
حــــط الــمـــروت يــســـار وابــدايـــة الـعــســرات\شــمــس الـظــهــر فـــــي جـامــتــه كـنــهــا غـــــره \
قــــــام يــتــحــدر ويـتــســنــد مـــــــع الـصــقــطــات\وحـــرارتــــه خــمــســيــن مــــــــا يــــقــــال مــحـــتـــرة \ صح السان الشاعر ذياب وتحياتي لك على الاختيار الرائع يامعيض |
رد: صكااات بقعاء
الاخ القدير معيض عريفج
الف مليوون شكر لك على هذا الاختياااار الرااائع وصح لسااان الشااعر كُن بخير |
رد: صكااات بقعاء
صح لسانك ولسان شاعرها
وتسلم اخوي معيض بن عريفج الله يعطيك العافية على حسن الإنتقاء لك شكري وتقديري |
رد: صكااات بقعاء
صح لسان شاعرها وناقلها
|
الساعة الآن (05:58 PM) |
Powered by vBulletin® Version 3.8.7
Copyright ©2000 - 2024, Jelsoft Enterprises Ltd
شركة استضافة:
استضافة
رواد التطوير
مايكتب في هذا المنتدى لايعبر بالضروره عن وجهة نظر ادارة الموقع وانما يعبر عن وجهة نظر كاتبه