فضفضة النجادي تفضل استاذي القدير الناقد البدر
السلام عليكم ورحمة الله وبركاته الناقد الاستاذ البدر قريت موضوع لك شدني صراحه وصراحه كوني احد الاعضاء بموقع ويلان ولايهمني لقب لكن لي الفخر اني من اعضاء ويلان هذا اكبر وسام :) موضوعك على الرابط التالي استاذي الذي شدني انك ذكرت انه اغلب الشعراء لايعجبهم انك تنتقد قصائدهم والبعض ارسل لك رسائل خاصه استاذي حبيت اشكرك على تواضعك لان اغلب ردودك تذكر فيها انك لست شاعر في اكثر من مناسبة هذا يدل على تواضعك يالغالي لكن واضح من مقابلة الاخت احساس قلم انك شاعر تجيد الشعر وفن المحاورة;) صدقني احبك بالله لديك بعض الردود بالمحاوره مكرره من شعراء قبلك :confused: لازم تركز تكفى البدر لان واضح من موضوعك انك تحب الجميع :eek: وذكرت انك صرحت انك ذكرت أسمك الحقيقي باكثر من مناسبة في الموقع ومن خلال الشاعر صالح وياريت تعيدها اسمك هنا والله احلى مناسبة يوم اتعرف على رجال شرواك وذكرت انك لاتحب المجامله واشياء كثيرة صراحه شدتني :)ولي عوده عليها واجبرتني اني اتصفح ملفك الشخصي ومتابعة جميع ردودك الرائعه من عام 2005 لحد الان استاذي القدير والناقد البدر حبيت اقولك بارك الله فيك على جهودك وجعله في ميزان حسناتك موقع ويلان يهمك ويهم كل عنزي لله درك واذا تسمح لي غدا يمكن النتقد لك بعض من ردودك عشان بعض الشعراء يرتاحون ويعلمون انك مع الراي وراي الاخر وحرية التعبير بس اخوك موظف بالجزيرة سابقا ولي يرحم والديك ماتزعل على ابوغريب وتكتب فيني قصيدة هجاء من 80 بيت لاني اعرفك شاعر لاغبار عليك والي فيني كافيني يعني اذا تبي تكتب فيني اكتب بعدين ماهو الحين لحد يصدق ويسويها بس حسب علمي انك تحب المزح من بعض ردودك السابقة :D الناقد= يجب ان يكون شاعر متمكن ومثقف ومطلع وشخصية معروفة للجميع مثل باقي النقاد بالوطن العربي غدا سوف اعود اليك بفضفضة اخوك النجادي :rolleyes: الخوف ادخل احصل قصيدة هجاء بوجهي :cool:بس ماعليك يبناخي النجادي اخ لك وللجميع اذا كتبت 80بيت راح ازيدها من عندي 80 تصير 160:D طبعا مداعبه لااكثر ولااقل تدري اخوي الناقد بقولك سر من اسرار العبدلي انا اجازة سنويه يعني فاضي للمواقع متفرغ بس اذا رحت لدوام والله ماحصل فرصة يالله يالله ارد على اعضاء موقعي همسه للجميع اكثر اعضاء ويلان اعمارهم بين 25 سنه الى58 هذا شي رائع يعني همسه من النجادي يجب على البعض تقدير هذا العمر لان الرجال يطلعون ويعرفون ماذا يكتب بالمنتديات من مواضيع وعنزة دائما الذكياء يالبي لابتي بس:D العبدلي |
رد: فضفضة النجادي تفضل استاذي القدير الناقد البدر
ابو غريب العبدلي انت انسان كويس بس فيك خفه شوي هذا مايصلح اذا بتفضفض لــ الرجال تعاله بكلام في ثقافه شوي
اتمنى يكون صدرك شمالي شكراا |
رد: فضفضة النجادي تفضل استاذي القدير الناقد البدر
اقتباس:
هلا بالغالي كيف ثقافة الكلام كلام دائما الانسان يجب يبتعد عن التصنع يابناخي وماعتقد الناقد البدر كلامي راح يزعله لانه كتب موضوع للجميع وله حرية التعبير وتاكد نقطه مهمه جدا دائما الناقد يكون صدره وسيع ويتقبل وجهات النظر يمكن موضوعي يكون قياس تقبله راي الاخرين لاتستعجل على بناخيك يامشهور بس ماعجبتني فيك خفه شرايك تحس انها ثقيله الكلمه ولا عادية ;) اذا تقول عادية فهي عادية واذا تقول ماهي عادية ياريت تقول ماهي عادية ويارب صدري شمالي ;) |
رد: فضفضة النجادي تفضل استاذي القدير الناقد البدر
انت تسئلني عن الراي وانت قاطع على رايك اسمع يامطنوخ انا كنت اختبرك وانت نجحت بالاختبار بس 9 من 10
تحيااتي ابو حفص |
رد: فضفضة النجادي تفضل استاذي القدير الناقد البدر
اسمع محد مطنوخ غيرك تسمع ههههههههه واحد حضري يفكرها سبه حياك يامشهور تدري والله الهدف هو التواصل وان الجميع يكون قلوبهم على بعض لان موضوع الناقد ان بعض الشعراء يرسلون له ويهددونه الخ انه مايدخل مواضيعهم وذكر انه سوف يذكر بعض الرسائل وهذا خطأ كبير ويكون احراج له ولغيره من الشعراء وكان هدفي هو التعرف على الناقد فقط لاغير تدري مشهور كل مدخل اشوف صورتك احس الله بيرزقني تعال انت بالصورة وين كنت طالع:d ذكرتني باخوي والله تقبل مرور اخوك ابوغريب العبدلي |
رد: فضفضة النجادي تفضل استاذي القدير الناقد البدر
هلا وغلا بالمطنووخ الجديد والله انا اللي الله رزقني فيك بعدين انا اخوك مايحتاج اذكرك فيه
بعدين ياخوي ماحد هدد احد انت فهمت الموضوع غلط وفسرته غلط حنا اخوان وقلبونا على بعض والاختلاف لا يفسد بالود قضيه بعدين انت كل موضوع ترد عليه تكتب النجاادي تذكرني في علي عبد الله صالح خايف تضيع اسمك مثلاً ههههههههههههههه تحيااتي |
رد: فضفضة النجادي تفضل استاذي القدير الناقد البدر
اقتباس:
اول درس من النجادي للاخ مشهور وهو يجب عليك ان تقراء الموضوع كامل قبل الرد وهذا كلام الاخ الناقد البدر بالون الاحمر هذا الجانب المضي من هذه التجربه اما الجانب الاخر فأنه وصلني عدة رسائل منها ماهو تهديد بــ ..! ومنها مايطالبني بعدم المرور على قصائده ! ومنها من يطالبني بالمرور على قصائد لشعراء آخرين ويرسل لي روابط قصائد لبعض الاسماء ويتهمني بعدم المرور عليها ! ورسائل اخرى وصلتني عن طريق ابو سيف من احد الشعراء يطلب مني ان لا امر علي قصيدته القادمه حتى لايقع في احراج !! واهون تلك الرسائل من يطلب مني بأدب ان يكون نقدي على قصديته بالرسائل الخاصه !! من الي فاهم غلط انا او انت:confused: عشان كذا كتبت الموضوع ياخوي وانا قريت شروط القسم ومن حقي اكتب الموضوع ومن حق الادارة تحذف موضوعي اذا كان فيه شي خطأ وبخصوص اني دائما اكتب النجادي هو احد أسرار قوقل ياالغالي وهو خاص جداااااااااا وثانيا ليش كلنا نتكلم عن الرئيس اليمني على عبدالله صالح والله مسكين ليش متكلم عن الحكام الاخرين مثلا تقدر:D كيف حالك طيب مشكلة العرب يايتكلمون عن حسني مبارك او عن علي عبدالله صالح او البشر حق السوادن:confused::confused::confused: زين مشهور بما انك نورت صفحتي ماهو وجه التشابه بين ردودي وردود الاخ القدير الناقد البدر اذا عرفت وجه التشابه اقسم بالله لك هديه من اخوك ابوغريب |
| الساعة الآن (04:53 AM) |
Powered by vBulletin® Version 3.8.7
Copyright ©2000 - 2024, Jelsoft Enterprises Ltd
شركة استضافة:
استضافة
رواد التطوير
مايكتب في هذا المنتدى لايعبر بالضروره عن وجهة نظر ادارة الموقع وانما يعبر عن وجهة نظر كاتبه