للشعر طابع غـــير في بعض الاحــوال=واليوم تلــبــيس القصــايـــــد إحللهــــا
لفكر جـاد بقــــاف صــــدره على الآل=طرقه على المسحوب.عجزه على ألهـا
شاعـــر ليا من قـــال ثمّن لمـــا قـــال=وإختـــــار نادرهــــــا ورتّـــب إجملهـا
لـه بالشعر مبـــداء ومخــرج ومدخـال=ومــن جـــم عذبـــات المـــوارد نهلهـا
خيّـــال شعــر إن كـــان للشعر خيّـــال=وليــــا حسبــــتـــوني جملهـــا جملهــا
ولا قول متميّز عــن الغــــير ولحـــال=كـــم غــــيري جـــزال البيوت إرتجلهـا
لازالـــــوا الشعــــــار والشعــر لازال=ويبقى نمـــــيّز جـــزلهــا مــن هزلهـا
وجمع النشامــا وأزرق العــود ودلال=ومقــــابلـــة جمهـــور للشعــر ولهــا
هنا السمر طـــاب وهنـــا ينشرح بال=ويبعــد عــــن النفس الملولــه مللهــا
حيـا الله الوافيــن سمحيــن الاقبــــال=بالحفلــه اللـــــي نعتبر ضمن أهلهـــات
رحيــــبــــة ٍ للكـلّ رجّــــال رجّــــال=من طيبهـا تشبـــه لصــافــي عسلهـا
بسم الأديب الـذرب محمود الافعـــال=شاعــر بنـــي وايـــل سندهـــا جبلهـا
بين الكواكـــب لـــه مكانــــه ومنزال=منـــازل الوافيــــن مبطـــي نزلهـــــا
حضرت ابارك لهـ وابارك للاشبـــال=لهايـــــل ونايـــــل فــرحة ٍ نحتفلهـــا
عيــــال مــن دوّن تيــاريخ الابطــال=عســــى يمينه ماتصــــاب بشللهــــا
نسّــاب ومــورخ وراوي للاجيــــال=وفضله على وايــــل ربيعه شملهـــا
فوق أربعين العام والفكـــر شغــــال=اصعب مهمه فــــوق متنـه حملهــــا
بعزم وتفاني سخـرالحـــال والمـــال=مــن فيــه مثله للقبــيــلـــه عملهـــا
ومن فيه غيره يقضي العمر تجـوال=لحفــظ النســـب لا ديره إلاّ دهلهــــا
وأشعـاره الجزلات يضرب بها أمثال=يامـــا نقض هـــذي وهـــذي فتلهـــا
يوم إكترب حبل القشر والمدى طال=مــن دون ربعه وقفته مـن جهلهـــا
من دونهم وقّف مثل نايـف الجــــال=نومس وشـرّف عــزوتــه ماخذلهـا
بشعر ٍ ليا عَـدّه قنـــابـــل وزلـــزال=رقط الحيـــايـــا والافـــاعــي قتلهـا
ولا أخطاء بحق الناس لو ربع مثقال=يمشي على وضح النقــاء ماختلهـا
ولا يلتفت لمردد القـــيـل والقــــال=يطلع سمـــاء لين الثريّــــا وصلهـا
دامه بخير وعافــيه طيّـــب الحــال=قــــل للقبيله لايجيهـــــا زملهـــــــا
منها يبـي حشـمه وتقــدير وجــلال=وتشكر جهود ٍ طــال عمره بذلهــا
ومن حقه التكريم والحق ينقال=لاهان بن صنعـاء الحميدي فعلهـا
مقدارابو مشعل على الروس ينشال=شاعــر بني وايــل سندهـــا جبلهـا