حزْن أبُو متعب ثقيل وتعْبتْ تْشيله متوني
بسم الله الرحمن الرحيم
المصاب جلل والحزن ابلغ من الكلام في رحيلك يابو متعب الحمدلله على كل حال
إنْتشى الحزْن العظيم وماتتْ الفرْحه بكوني=والسّعدْ فارق حياتي واكْتستْ ثُوب الكآبه حزْن أبُو متعب ثقيل وتعْبتْ تْشيله متوني= والجزيره كلّ ابوها ماقوت تحْمل مصابه ليلة الجمعه ثقيله بالقلوب وبالعيوني=القلوب اتْضخْ حزنه والعيون اجْزل صبابه فقْد أبونا غير فقْد الخلْق ياللّي تفهموني=غيره يعوّض وعبد الله تفرّد في جنابه عندي أبْداً له شبيه ولا بعدْ مثله يكوني =بالخصايص والسّمات وبالحبابه والمهابه عِزّ الاسلام ورصيده دُون تغْريب ومُجوني=دِرْعنا لادقّت الساعه ونادو للحرابه كمْ سهرْ طرْفه وعانا للتعب من كلّ لُوني =وكم تحمّل لاجْل راحتنا الثقيلات ومشى به خادم البيتين صقْر العُرْب حمّاي الرّكوني=هيبته عشْنا تحتْها في حضوره وفْغيابه واعسى يجْزاه ربٍّ أمره بكاف ٍ ونوني=في جنان الخُلْد ويْجاور نبيّه والصّحابه الحوراء بنت نجد الرياض يوم الجمعه الموافق 3\4\1436 هــ |
رد: حزْن أبُو متعب ثقيل وتعْبتْ تْشيله متوني
بارك الله فيك على الطرح المميز والرائع
وصح لسااااانك ملايين لك تحياتي |
رد: حزْن أبُو متعب ثقيل وتعْبتْ تْشيله متوني
مشكوره يابنت نجد على التعبير المعبر بجزاله من جزله
والله يرحم اموات المسلمين ويعين الحيين على عز الاسلام ونفع المسلمين آمين |
رد: حزْن أبُو متعب ثقيل وتعْبتْ تْشيله متوني
سليمان الجعفري
اشكر لك رقي حضورك ونسأل الله ان يرحمه برحمته واموات المسلمين تقديري لك |
رد: حزْن أبُو متعب ثقيل وتعْبتْ تْشيله متوني
اللحالي الغيداني
الله يتقبل منك ويجزاك خير اشكرك للمتابعه تقديري لك |
رد: حزْن أبُو متعب ثقيل وتعْبتْ تْشيله متوني
الأخت الشاعره القديره
الحوراء بن نجد صح لسانك وسلم بنانك وفكرك ورحم الله ملك الإنسانيه رحمة ً واسعه أنقى التحايا |
الساعة الآن (04:06 AM) |
Powered by vBulletin® Version 3.8.7
Copyright ©2000 - 2024, Jelsoft Enterprises Ltd
شركة استضافة:
استضافة
رواد التطوير
مايكتب في هذا المنتدى لايعبر بالضروره عن وجهة نظر ادارة الموقع وانما يعبر عن وجهة نظر كاتبه