أنا أشهد إن الوقت هذا مطمـه***ليا فكر الرجـال باللـي حواليـه
صدق وقال القول والقـول ذمـه=الكذب عيب ولا كسب خير راعيه وأقلبي اللـي كـل هـمٍ يخمـه=اللي يخمه خـم واللـي يناديـه واللي يحدره تحت واللي يزمـه=واللي يصوت له على وادي التيه واللي يصفق له علي راس قمـه=واللي يسوي له حواجـز وتمويـه يسبح لحالـه بالبحـور المطمـه=وتعبت يديه من السباحه ورجليـه وشمل تشتت منهـو اللـي يلمـه=وحبيب أبعد منهـو اللـي يدنيـه وين الحبيب اللي بصدرك تضمه=و وين الصديق و وين تبغا تلاقيه ومن لايشم الورد خشمه يصمـه=يصم خشمه صم ويسكـر أذنيـه وجهٍ يعد مـن الوجيـه المرمـه=وأهل الوجيه البارده مالها وجيـه ويطلع صديقك في نهـار الملمـه=وإن ماطلعلك مابقي شي ترجيـه ومن يقترب من شر يمكن يعمـه=لو إن هذا الشر ماله دخـل فيـه الداب فارق رمثتـه قبـل سمـه=فرقاه خير مـن تحـذر حواليـه وأن صادفك من حط راسه بكمـه=لاتناقشه فـي شـي والا تناحيـه ولافيـه للقمـام غيـر المقـمـه=ولافيه للمجنـون ياغيـر أهاليـه ومن لايروم العـز والا يشمـه=خله يولي لعنبـو مـن يماشيـه ولاخير في رجال مايفـور دمـه=ولاخير باللـي مايقـدر بناخيـه ولاخير باللي كـل شـي يهمـه=ولاخيربالرجـال لابـان خافيـه ولاخير باللي مايوايق علي امـه=وإيعرف ماتبغـاه قـدام يشريـه ورجلٍ بليا إيمـان مافيـه ذمـه=ولاهو بويا الربح رجلً يخاويـه ومن فيه حسد بذمتي فيـه نمـه=ومن فيه نمه يقطـع الله طاريـه ولاتمـدح الرجـال ثـمٍ تذمـه=إن ماحصلك مطلبك قمت تشنيـه رح للذي يرتـح لارحـت يمـه=ومن لايبيلك يوم تزعل منه ليـه وعسي الردي مايفـرج الله همـه=وعسي مريض القلب مالله يشفيه وأم الليـالـي ليـلـةً مدلهـمـه=وأم الخبائث خمر يختل حاسيـه وحلو الحرام يصير بعدين غمـه=ولاربح بياعـه ولاربـح شاريـه وحرف بلا فتحه ولافيـه ضمـه=يغلط بنطقه بعض الاحيان قاريـه وتبي الحديد يذوب بالنـار حمـه=وتبي الكلام يزين عمـق معانيـه وأنا أشهد إن الوقت هذا مطمـه=ليا فكر الرجـال باللـي حواليـه والفضـل لله والله اللـي يتـمـه=والله عظيم وكـل شـيٍ يسويـه |
رد: أنا أشهد إن الوقت هذا مطمـه***ليا فكر الرجـال باللـي حواليـه
الكاتب الرائع
الاستاذ/عبدالعزيزالسعود اختيار رائع وجميل كما عودتنا لاعدمناك تحياتي استاذي الفاضل |
رد: أنا أشهد إن الوقت هذا مطمـه***ليا فكر الرجـال باللـي حواليـه
اخى عبد العزيز السعود
نص غاية فى الجمال والابداع تسلم على هذا الاختيار الموفق شكرا ولاهنت تحياتى ومودتى................................... |
رد: أنا أشهد إن الوقت هذا مطمـه***ليا فكر الرجـال باللـي حواليـه
أخي عبدالعزيزالسعود اختيار في غائة الروعه لاعدمناك ياكاتبنا الفاضل ارق وأعذب تحيه لك مع باقة ورد:more61: |
رد: أنا أشهد إن الوقت هذا مطمـه***ليا فكر الرجـال باللـي حواليـه
أخي عبدالعزيزالسعود
اختيار في غائة الروعه لاعدمناك لك الاحترام والتقدير |
رد: أنا أشهد إن الوقت هذا مطمـه***ليا فكر الرجـال باللـي حواليـه
اقتباس:
الشاعر الرآقي .. رابح الغضيآن .. اسعدني جدا مرورك الرقيق والمتميز لا حرمني الله من اطلالتك الرائعة تقبل مني خالص احترامي وتقديري لمرورك ولك مني اطيب وارق الامنيات .. |
رد: أنا أشهد إن الوقت هذا مطمـه***ليا فكر الرجـال باللـي حواليـه
اقتباس:
كان لي شرف حضورك واطلالتك الكريمه اسعدتني اخي سلمت ودمت ... |
الساعة الآن (02:42 PM) |
Powered by vBulletin® Version 3.8.7
Copyright ©2000 - 2024, Jelsoft Enterprises Ltd
شركة استضافة:
استضافة
رواد التطوير
مايكتب في هذا المنتدى لايعبر بالضروره عن وجهة نظر ادارة الموقع وانما يعبر عن وجهة نظر كاتبه