قاعة ريانه شعشعت كلها انوار = بالزوديوم آل السعود احضروها
المسك فاح وعطرها ورد وازهار= واهل الشرف بحظورهم شرفوها
يامرحباترحيب وانتم هل الدار = الله يعزالدار واللي حموها
آل السعود افعالهم مابهاانكار = المملكه بسيوفهم وحدوها
عبد العزيزابهيبته سيف بتار= شلفاه تشهد والعدى شاهدوها
وحد ابلاده واخذالثار بالثار = وجمّع شتات المملكه واضمنوها
فعايله تعرف عضيمات واكبار= كل الخلايق سيرته مااجهلوها
وسادوبهااخوان نوره بلأدوار = اليامابنوامجادهااوطوروها
حتى احتموها من غدركل غدّار = والامن فيهاخطّته مهّدوها
عبدالله اللي محتميها من الاشرار= صقر العروبه سيرته مجّدوها
حبه ملك شعبه من اكبار لصغار = محبته باقلوبهم خلّدوها
مدّة يمينه كنها الغيث مدرار= ومكارمه كل العباد امدحوها
وسلطان سلطان الكرم حرالاحرار= مواقفه كل العباد اعرفوها
وارقى التهاني في مضامين الاشعار =قدمتها واهل الوفا ثمنوها
ارقى التهاني بالوفااثنيه تكرار = لعل كل اعيادهم عايدوها
وبحظوركم لنا الشرف ياهل الكار = تم الفرح والطيبين ادعموها
سلطان محمد من طويلين الاشبار = مدات جوده بالكرم ماحصروها
وسعود بن بدرعلى الطيب جبّار = حقايق كل العرب سولفوها
ثم اسمحولي ياطويلين الاعمار = امدح انجومن بالسما عانقوها
امدح بن برجس على الطيب مغوار= اللي تبنّا حفلته واعلنوها
ونايف عبدالله من بعيدين الانظار= لجل التراث اجهودهم كرّسوها
وبالمنتدى باحث اوناقد اوشعّار = وحقايق الموروث مازوّروها
اجهودهم فاقت على كل معيار = وادوارهم بالمنتدى فعّلوها

المشاركة الأصلية كتبت بواسطة خلف الغريب (المشاركة 177101) العوافي يا سمي ..... ما قصرت وصح لسانك ..... مدحت من يستحق المدح.... تحيااااااااااتي لك...

المشاركة الأصلية كتبت بواسطة ماجد الجعفري (المشاركة 177106) الأخ العزيز والشاعر الكبير خلف فلاح الحمرون صح لسانك ........ولاهنت على هالقصيده الجزله التي أتحفتنا بها فالله درك ولا فض فوك وال السعود يستحقون هذا ...وبيض الله وجهك دمت بكل خير ودام هذا التميز والأبدااااااااااع تقبل تحيااااااااااتي