يالله يا من نرتجي حسن خيره =يا لواحد المنان يا لمعطي البار
يا ملجأ الأنام مافية غيره=ياحي يا قيوم علام الأسرار
يا عالم والكون بيدك مصيره=رحماك يا رحمن تاقى عن النار
يا من عليه المتكل نستخيره =في كل شي ومن صواديف الأقدار
يا لهادي الجبار سر وجهيرة=يا محيي قلوب ويا معمي أبصار
يا واحد في كل أمر أستشيره=يا لملتجأ لا من علي الزمن جار
يا غافر لحي ذنوبه كثيره=يا صافح زلات في نفس إكبار
يالله طلبتك كان بالأمر خيره=تغيثنا مزن العطايا بمدرار
بسيل جود كالبحور الغزيرة=تربع أوطان وتروي بها ديار
تخضر فياض بعد ماهي قفيره=وتنبت خضار وتعشب الأرض نوار
ترسل عطايا سحب ويعم خيره=على البشر تمطر على كل الأقطار
تزهر رياض الخير في كل ديره=وتورق رياض الخير من كل الأزهار
تلقى البختري والنفل في غديره =وتلقى الخزامى بمنظر مابعد صار
وحمام طلح بس تسمع صفيره=في خايع تغنيك عن كل مسفار
وتلقى الحبارى والظباء مستذيره=ما ناشها صياد طير و صقار
هي منوة الصياد بليله مطيره=و رعاد برق قادح كنه النار
مستمتع في جو ما غير طيره =ينوح شوق وحسن رذراذ الأمطار