°~*¤®§(§ شبـــكة ويــلان العـربـيـه §)§®¤*~ˆ° - قصيدة "سار القلم" للشاعر::نمربن عدوان::

سـار الـقـلـم ياعقاب بالحبر سـارا = وبزيزف القرطاس يا مهجتي ســـار
سـار الـقـلم بالنويهدات الصغــارا = ياعين وكري وحش حين ما طـــار
اكـتـب جـوابٍ مثل قطف الثمـارا = من قيل ابن عدوان نظم له اسطــار
مـن ضـامـري كنه وقيدات نــارا = يا نيرة النمرود تشبه لهـــا نــار
لـكـن يـنهش بي غليث السعــارا = والـحال مني تقل يبراه نجـــــار
اكـتـب وليفي ولع القلب نــــارا = خلان بالدنيا وحيدٍ ومحتــــــار
يـاعـقـاب مـن فقده عيوني سهارا = لـكن فيها ذر شبٍ وزنجــــــار
أعْـول عـويـل الـذيب ليل ونهارا = واحـن حن الجيد ثاوٍ على الـــدار
عـلـى حـبـيبٍ بالترايب تــوارا = خـلان مشتاقٍ وحيدٍ ومحتـــــار
والله لا كــذب ولا هـو اقـمــارا = ايـضـاً ولانا بالتماثيل هـــــذار
وخـلاف مـا بـيـن البسيطة اوزارا = ومـن طاف في طيبــه وللبيت زوار
انـا ان نـظـرته راميٍ للجمـــارا = كـن القمر في موق عيني الى انـدار
يـاعـقـاب لو تجمع جميع العـذارا = مـن الـيمن لديار نجدٍ لسنجــــار
ومـن بـصـرة الـفيحاء إلى قندهارا = مـن غـير وضحا مالك الله تختــار
أجـل جـل الـزيـن حسن المسـارا = راعـي ثليلٍ فوق الارداف نثـــار
الـعـنق عنق اللي تقود العفـــارا = قـايـد اخشوف الريم في دوّ الاقـفار
يـا غـصـن مـوزٍ تحته الماي حارا = فـي وسـط بـستانٍ دنت منه الاثمار
يـاعـقاب ما والله مدير النهــارا = مـجرى سفينة نوح في غب الابحـار
لـو جَـن بنات البدو صفٍ تبـــارا = عـلى الحنايا دللن كل حــــوار
ولـو جَـن بنات الحضر مثل المهارا = سـطر الذهب بأرقابهن تقل نــوار
ولـو جَـن بنات اصليب فوق الشهارا = يـامـا حلا بشفيهن دق الأوبــــار
ولـو جَـن بنات الترك هن والنصارا = والـهند واللي سكن كل الأمصــار
جـنـى ضحى العيد وسط النهـارا = وقـالـوا لنا يا نمر قم طب واختــار
مـا أخـذ سوى مضنون عيني اخيارا = الـصـاحب اللي فر عقلي معه طـار
فـيـها خصالٍ وافياتٍ كثـــارا = ومـثايلٍ فيها التفاكير تحتـــــار
شـيـمة فهودٍ وبه زعانف نمـارا = ومـن الـجمال اليوسفي فيه تفكــار
حـسـه صخيفٍ مثل جني الثمارا = يـسـبي البيب منادمه تقل سحــار
قـلـت آه وا ويلاه مر المـــرارا = مـن مـي زقومٍ جرعته له إمــرار
مـن فـقد مسلوب الحشاشين سـارا = غـروٍ كـما بدرٍ لها النور نشـــار
يـالـيتني وياه نتنى المشــــارا = فـوق الـسبايا وأشهب الملح زجـار
لاكـن مـلك الموت جانا اغتـارا = فـرق وشـتت وأودع القلب محتـار
ريـحـة جسدها مثل ريح البهـارا = وبـيـن اشفتيها تقل حص محـــار
لـولا ضـلوعي فر قلبي وطـــارا = لـكـن ينشر ثومة القلب نشــــار
مـن لامـني به ثور أو هو حمــارا = والـثـور أخير ان قيل له دير يندار
صـلاة ربـي عد وحش القفـــارا = والا عـدد نـبـتٍ يروى بالاقفــار
عـلـى النبي المبعوث سر وجهــارا = سـيـد البشر اللي قهر كل جبــار