°~*¤®§(§ شبـــكة ويــلان العـربـيـه §)§®¤*~ˆ°

- منتدي الشعراء (http://www.weelan.com/vb/forumdisplay.php?f=8)

- - رساله لابن شلحاط (http://www.weelan.com/vb/showthread.php?t=11528)

رساله لابن شلحاط

[هذه الهجينيه البسيطه هي اهـداء الى الشاعر الكبير مانع بن شلحاط بمناسبة قصيدته (الحداثه)

****************

ياصاحبي بي طفش واحباط =وط الـــمســجل يبــه وطـّـــه
وافرش لنـا بالربـيـع بســاط =وشـنـطـة معامــيلنا حــطـّـه
وقـلـط دلال تــقـول بـطــاط=واحـمـس تـرا الـكبد مـنـبطـّه
ولـقــّم وخـلـه ثـلاث اشــواط=وجـره لاجــل تـركـد وغـطـّه
واجــذب لـها الـجمر بالملقاط=وبـهـر،شـذا الـهـيـل له عطـّه
وبلـغ سلامــي لابـن شلحـاط=اللــي سنــام الشعـــر نطــّـه
قـال الـحـداثـه حـكي وخراط=عــز الـلــه الــحـق مـاغــطـّـه
صــار اكـثـر الشـعر بس هياط =وتـشــارك الــقـط والــقــطـّـه
مـثـل الـقـطـاوه بـشهر اشباط=ازعــاج واصــوات مـنـحـــطـّـه
بـــغــوا مـثــل فلـسفة سقراط=وردوا عـلـى الـفـول بالشطـّـه
مـعذور كـانـه زعــل واشـتـاط=حــتــى الـمـشاعـر غـدت قـطه

ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ ـــــــــــــــــــــ

( مفوز التبيناوي )

رد: رساله لابن شلحاط

مفوز التبيناوي

صح لسانك أجبرتني على تسجيل الدخول

لكون اول من يعانق هذه الرائعه وصدقت بكل حرف كتبته وعندما قلت حتى المشاعر غدة قطه

الله درك ياشيخ صح لسان صح لسانك

تحياتي،،،،،،،،،،

رد: رساله لابن شلحاط

صح بدنك اخوي عيد الوايلي ، وشكراً على المرور.......

اخوك/ مفوز

رد: رساله لابن شلحاط

الأخ العزيز

والشاعر القدير

مفوز التبيناوي

صح لسانك ...ولاهنت

على هالهجينيه الرائعه ..........لله درك

دمت بكل خير

تقبل تحياااااتي

رد: رساله لابن شلحاط

الشاعر الرائع /مفوز التبيناوي

ساس الشعر والشعراء لابد ان يخرج منه كل رائع وجميل

الله يعطيك العافية على هذه الهجينية الفاتنة

وصح الله السانك عز الله انك قلت الصحيح وابن شلحاط صادق الحداثة خراط

تقبل تقديري واحترامي

رد: رساله لابن شلحاط

صح لسانك يابو فيصل

ارجو ان رسالتك تصل لبن شلحاط بماأنها وصلت لقلوب عشاق حرفك الراقي

(وانا أعلم ان شهادتي فيك مجروحة)أستاذي الاول

وهذا لا يمنع بأن التلميذ يشيد بمعلمه

صح السانك عز الله انك قلت الصحيح

وابن شلحاط صدق الحداثة خراط

دمت سالما

رد: رساله لابن شلحاط

شاعرنا القدير مفوز مقبل التبيناوي

صح لسانك دائماًًوصورك الشعرية تلامس مكامن الاعجاب

اتمنى ان توصل هذه الرساله .

تقبل تحياتي