يختلق هالصمت طبع الإنكسار=رغم مجد الصمت في عين الكسير
وازدواجية تصاريح النهار=ألزمت ليل التوجد بالكثير
إيه غربه وأنت أسباب الفرار=من هدوء الأمس باحساس ٍ ضرير
استقل الوجد طيفك واستثار=موجة الإبحار في جو ٍ مثير
لاذ بأوهام المسافه لين زار=ألف وسواس لضلوع المستجير
منك بك واهتز وأعلنها قرار=أنت بالخفقه وبالهمسه جدير
كنت أمارس صنع دمعي بانبهار=واكتشفت الحزن بأطباعه خبير
لا توصون الغلا لا ثار ثار=واندفع والشك والخوف بمسير
الجروح أنفاس طبع الإعتذار=والمدامع صمت آلام الهجير
والشعر هو تجربة وصف الشجار=والعناق العذب وإشغال الضمير
والتنهد واستضافات الدمار=واعتلاء القمه بوقت ٍ قصير
لذّة الزهد بتذكّر كل ثار=وافتعال المنبر لصفق ٍ هدير
يا دفاتر خاطر القلب المعار=للأسى وش دوّن إبداع الصرير
هب ترنيم الشعور وصاح طار=واحتفى بالجرح حظ ٍ له شخير
يا انطفاءات الدروب الروح نار=يا شتاء الموق صيفي زمهرير
اجتمعتي يا كآبات الحصار=يا بقايا شك ملتاع ٍ أسير
واحتفيتي بالألم والإنحدار=بابتسامة خبث يا الطرف القرير
عاشقك لوح بنكساته وعار=من بنى هالمجد يصبح في الأخير
كان مجده غفوة أحلامه وصار=معدم ٍ مهتم في ليله سهير
صار لا منهج ولا عنده خيار=ضايع الرغبات مجهول المصير
صار يملي ولا بها أي افتخار=تجربتْه لشعْر أصبح له سفير
شعر عبّر عن معاناة انكسار=مجّد الصمت ببحر عين الكسير