طالبك انا ياشعر فزعـات واحسـان=افزع معي فـي يـوم قلـل مقامـي
مابيك هيـن لا ولا ابيـك صلفـان=ابي الجزيل اللـي عليـه الكلامـي
ابي القصيد اللي كما قـدح ضيـان=يدري به اللي عايش فـي غرامـي
امحضر نفسك علـى كـل ميـدان=وان خنتني روح عليـك السلامـي
لو ان مالي فيـك حيلـه وبرهـان=ما انخاك ياشعري علـي الحرامـي
عزي لمن جرحه عطيب(ن) ولابان=بين الضلوع الحدب جالـه حيامـي
اليا انفتح لـي بـاب تنسـد بيبـان=وش حيلتي يا ذياب عفـت المنامـي
لا ياوجودي وجد من طاح مرضان=ومن كثرت اوجاعه عجز لا ينامـي
ولا يا وجودي وجد حافي وعميـان=والي يقوده من غثا الوقـت عامـي
سارو على شوك الكسايف والاحزان=ودرب السلامه راح مامـن سلامـي
على حبيب(ن) غاب واقفى وخـلان=وقلبي خليط بيـن هجـر وهيامـي
امبيسم(ن) مرسوم والوجـه لا بـان=بـدر عليـه العلـم يـوم التمامـي
ولا شفت خصره قلت مسكين جوعان=وشعر كما ليـل كسـاه الضلامـي
ومشي المقيد فـي كلبشـات سجـان=سبحان من سـواه مشيـه نظامـي
وسط الحشى يملك مقـر ومسكـان=وزوله يجيني كـل يـوم ابمنامـي
واليوم من فرقاه بـا القلـب نيـران=تصلى الحم وتذوب منها العضامـي
خلاص انا يا ذياب با الهـم شبعـان=حسبي على العاذل حريب الكرامـي
قالو لي تلقى غيره اشكـال والـوان=قلت الوكاد ان حب غيـره حرامـي

ابومحمد الله لا يهينك وانت خير من يسند عليه

وننتظرك يا غالي .

شكرا اختنا هيا على اطرائك وصفاء قلبك

شكرا لكم

المشاركة الأصلية كتبت بواسطة هيـاا العـازمـي (المشاركة 197034) الفاضل .. ذياب محمد العنزي وعليكَ السلام ورحمة الله وبركاته والله يبيض وجهك على هالاتحاف بقصيدة المبدع والخلوق شاعرنا صالح الجطيلي جزل وهذي عادتك :) صح الله لسانك ولاهنت شكراً على الإعلام يا ذياب محمد العنزي تقديري هيـــاااا

الله لا يهينك يابنت الاجاويد وكلامك الرايع

وصح بدنك وشكرا شكرا لحضورك