همر التويوتا
 

هذي ثلاث صور لجيب لاند كروزر 2007 ان شاء الله تعجبكم


http://fourwheeler.com/featuredvehic...2_fjc_04_z.jpg


http://fourwheeler.com/featuredvehic...2_fjc_03_z.jpg


http://fourwheeler.com/featuredvehic...2_fjc_02_z.jpg


تحياتي لكم ,,,,

حي الله راعي الجيب


ياولد عمرك شفت احد ما يحب الجيب


اهداء خاص لك هذه القصيده

(( للشاعر مرير الحبيل ))



راكب اللي لامشى الخـطّ الطويل****لو مشى يومين مـا جـاه الملـل

أسمحوا لي بآصفه وصف (ن) قليل****عقب وصفي ياعسى دربـه سهـل

أقصد الفكس آر ما غيـره بديـل****لعنبو مـن صمّمـه ليـن أكّتمـل

أمدحه وأن ما مدحت آخـر مديـل****ويش أباأمدح موتر(ن) غيره أجـل
وارد اليابان مـا جـا لـه مثيـل****أقطم(ن) في السوق ما مثله نـزل

أبيض(ن) لونه مثل زبدة صميـل****وأرثم(ن) خشمه مثل خشم الفحـل

لون زيقه لمعة السيـف الصقيـل****ولمع برق(ن)فـي خيالـه منهمـل

والعلامـة لا سـرى مثنـاة ليـل****في جبينـه كنهـا كوكـب زحـل

والإشارة لونهـا جمـر(ن) كليـل****يتـلالا مثـل منتـوج النـحـل

والأزرّه داخـل الكشـن الجميـل****دايريـة حجمهـا كبـر الهـلـل

والخطوط بشاشته صفّـة فصيـل****تزهر أرقامـه مثـل ورد النفـل

يتهـزّع مثـل نقّـاض الجـديـل****ومنوتـه مثنـاة خـط لا انسحـل
يتنهّض لا أبرمه في القـاع ويـل****وان بغيتـه يعتلـي راس الجبـل

كن تشيله عن عزاز الأرض شيـل****فيـه مـن قـدّام دفرنـس الدبـل

أسود(ن) كنه حصاة(ن) من حدزيل****للنفـود مصمميـنـه والـوحـل

مـا ورد مثلـه مواتـر مستحيـل****ان رضى راعي السفاري أو زعل

الجيوب أوصافهـا فرّيـس خيـل****ومن خويه جيب ما جـاه الزّمـل

أفترد عبد اللطيـف الهـن وكيـل****وعامل اليابـان وأنصـح فالعمـل

فوقه اللي لا مشـى الغـدرا دليـل****ويتحمّـل للشقـا مثـل الجـمـل
في لزومي عن طريقه مـا يميـل****ولا نخيتـه مـا تمشّـى بالمهـل

حوّله مع حافـت الضلـع المهيـل****لين عنـه طويـق قـدّام انعـزل

ما سمح له يا عسى جالـه يسيـل****ولو سمح له كان سواقـه وصـل

لا تساوا مـرّ مـرات(ن) يعيـل****ولا تعدّا من ورى شقـراء أنعـدل

ثم تنهّض ما بقـى لوكـان ميـل****داخـل الطبلـون والخـط انّحـل

شدّ حيله ما بقى في الحـال حيـل****لين ضاق الكون جا مثل الدّحـل .

الهواء عن رفرفـه جالـه شخيـل****راسي(ن) ومرسّيه عرض العجـل

المراكز ما تعـرّض لـه سبيـل****خابرينـه عـن هدفهـم مستقـل

ثم تنصّى للأصيل ابـن الأصيـل****ولا وصلته فاصفطه قـدم المحـل

تاجد اللي داخـل المجلـس ثقيـل****وان تكلـم مـا تلفـظ بالـزلـل

الكرم تلقى أولـه بـن(ن) وهيـل****والسوالـف والحجـاج المسفهـل

والشبـب ومعزّبـك ذبّـاح حيـل****تفعلـه يمنـاه لا جاهـا الشـلـل

قـل لابونيـان كسّـاب الجميـل****ويش رايك ندرج اسمك بالسجـل

غنّـوا الشعّـار ومريـر الحبيل****وتيحت الفرصة لرجال(ن) يحـل

وأستلم ما قيل واجري بالحصيـل****وأركب المبروك وارجع لي عجـل




وتعذرني على القصور....

مهاجر

الله يعطيك العافيه

على المعلومات

وانشهد انه الجيب موتر

وتحياتي ,,,,

صح لسانك ولسان قايلها

وماحصل قصور اخوي صالح بالعكس مرورك بهذه الابيات الرائعه التي تصف الجيب اعطى الموضوع نكهه خاصه

تحياتي لك ,,,,

اخوي محمد المقبل

الله يعافيك ويرزقك بواحد مثله

تحياتي لك,,,,,,,

اخوي عبدالله البذيلي

الله يعافيك ومشكور على المرور وكان ودي ان لونه اصفر وازرق عشان نصراويتك

تحياتي لك ,,,,,,,,