صغت الشعر والقيته على مسمع كثير حظور = ورسمت احلا خيالاً فيه صورته وخطيته
أحاسيس ومشاعر في سماها تكشف المستور = من اعماق الزمان اللي تناساني وتناسيته
وبنيت بداخلي حلمً مكون من ثمان قصور = وعشت الحلم من نسج الخيال الين حبيته
قصر حب وقصر طيب وقصر فيه الكرم مغمور = وقصر عز وقصر حكم وقصر ألماس حطيته
وقصر حراس بيبانه أسودً كاسره ونمور = وقصر عشت اللويئام بداخله حتى تغذيته
ابحلم وابني امالي على حلمً يغوص بحور = واعيش بداخله واسعد واقفل بابه وبيته
ابحلم ليه ما احلم ما دامني معه مسرور = مجرد حلم أبحربي وسلاني وسليته
مجرد حلم حبيته مفبرك غامض ومنثور = عطاني جو واعطيته مثل جوي او نميته
واثار الحلم هي لحظه تعيش بعالمه ويدور = ويتلاشى بعد هذا ماكنك يوم خاويته