ما عاد فيني حيل لصدوف الايام = وش حيلتي غير اجمع الصبر واسير
مسيار من يزفر عباريه منضام = دكه زمانه لين شاف التعازير
(غـــربه) ولكن ماهي اْبًعد الارحام = بينه وبين الذات نقض التبارير
مدماس ليل // وجهل // وعتاب // وخصام= ورضا بصمت // وعرف // والمظلم ينير
مهزوز // راكز // عاجز وتقل سطام = مبهم .. مثل حلم(ن) ولا له تفاسير
زعول // قانع // وان رضا عوًد وزام = الوجه فاضح // واكتم السر في بير
ذاتي على ذاتي كما عنان ولجام = يوم الزلايب باللغا تنفخ الكير
النفس مهره .. عسفها شهور واعوام = ويا ما لجمة النفس واوردتها الخير
ويا ما توردني على درب الاعتام = ويا ما رمتني لغايرات التفاكير
واليا ذكرت اللي مضا .. خاطري هام = واخيل مثل اللي يخيل التباشير
فيه .. ان تبعت العقل .. عضيت الابهام = واليا تليت القلب .. ما ادور الغير
والله لو ما دونها قوم(ن) حشام = قوم(ن) على من يعتدي كالهزابير
لا اركب على اللي لا وطا القار زوام = مودع مطاويل المسافه مقاصير
يشدى نداوي(ن) على الخرب حوام = عطيب كف وللوطا حول مغير
فاما حياة(ن) عزها بالهنا دام = والا .. ممات تموت معه المحاسير

المشاركة الأصلية كتبت بواسطة ماجد الجعفري (المشاركة 200664) الشاعر القدير فايز العبدلي صح لساااانك ...,لاهنت . . . قصيدة عانقتنا بالجمال والأبدااااع ... لله درك ..ولافض فوك على هذا الأحسااااس الرااقي دمت بكل خير ........وداام هذا التميز تقبل خالص تحياااااااتي