عارفك معجب بس ما تقدر تقول=يمنعك عنها كبر , مدري تجاهل
وانا لك الله : عنك مشغول .. مشغول=آصل مداهل..... واتحاشا مداهل
أصول في دنيا التجاريب ..وأجول=و آرد على ( هداج ) عذب المناهل
واذا حصانك طاح , ما نيب مسؤول=أنا حصاني فالميادين صاهل
مالي حدود ... وطولي أطول من الطول=وانظر إلى الموضوع نظرة تساهل
ساكن ببرج الشعر وفراشه زلول=وكم زرتني مرة وعودت ذاهل
اعطيك حق الضيف والحق مدبول=لا ضاق لي خلقٍ , ولا انضام كاهل
من يشتم ( ابو الهول ) ماضر ابو الهول=و ( فرعون ) عاهل بس ما دام عاهل
لكن على ما صار , خذ زبدة القول :=( انت امتجاهل , بس انا فيك جاهل )

انت امتجاهل , بس انا فيك جاهـل

أخوي خلف الغريب قد تكون الإشاده والإطراء لبعض القصائد إنتقاص لحقّها لأن بعض القصائد تعلوا بنفسها بدون إطراء ولا إشاده

ولاكن أنا أشيد بالعقل المدبّر لها لأنّ الفكر اللذي طرح هذه القصيده فكر غايه بالتمكّن

تقبّل إعجابي بهاذة القصيدة


أخوك نايف الشبيعان