العرس قرب مابقى غير شهرين=يالله عسى عين المعنا تغفي
السوق غالي والذهب زاد ضعفين=وليت الدراهم ياصحيبي تكفي
أما تدَين او تعيش الأَمرين =أو تهرب بعالم جنون التخفي
السعر ماله من حدود وقوانين=يالله عسانا باللوازم نوفي
الوحده أصعب تجلب الهم والبين=وقرب الحبايب ياهلي صار شفي
نبي نكمل بالولي مستعينين=والعين من شوق الحبايب ترفي
نسعى عسانا دوم نبقى سعيدين=في دنيتن من مابنكدها نصفي
والعرس لاقرب وبقى عنه شهرين=يبي يبل الريق ويرجع يجفي