للي يدور للزعل مانت مرضيه = واللي يدور للرضا من يغيضه
للي يدور للزعل مانت مرضيه = واللي يدور للرضا من يغيضه احد يبيعك للزعل ونت شاريه = مشتاه في درب الزعل هومقيضه وحد على الزلات نفسه توديه = يطرب على الزله وينثر قريضه وحد ليا جت زلته من بناخيه = يدمح ويخفي ماظهر من جضيضه يرمي بها عرض البحر طول اياديه = ويرجي من الله عقبها مايعيضه لا جات من طيب ترده مباديه = يرجع على طيب الرجال الحضيضه وان جات من عفناً ضعيفه هقاويه = يبعد عنه ويموت سمه وغيضه دايم وسيع ابطان عقله خطاويه = يحسب حساب الني قبل النجيضه يحسب حساب مكثرين المشاريه =عنده كلامه مثل فرض الفريضه وحد حضيبي كلمتين تكزيه = يشيط غيض وكل يشوف غيضه وحد مراوغ بين هذي وهاذيه = يمشي معك وان غيت يبعد ركيضه وحد عيونه في مكفا علابيه = النفس شينه والنوايا بغيضه لا يستشير وشورته ماتقديه = رفقته بلشه والمفارق غميضه وحد ليامنه بغا منك تعطيه = يدفع ثمن عمره على شان بيضه وحد غني مدام ربي معافيه = لا حاسبٍ شرهه ولافيه عيضه وليانقلب وجه الزمان وعثر فيه = يسوق شرهاتٍ طوال وعريضه وحد لربعه غيث وان غاب طاريه = مثل السحاب ولا يعيبه نفيضه لياحضر كل النواظر تحييه = وان غاب تبكيه العيون وتفيضه وحد عليه من الذكاء مايكفيه = صعب تعرف وش يختلج في نبيضه نظام حاسب كل شي يغذيه = حتى نظام البرمجه مايريضه يعطيك تاخذ منه تبعده تدنيه = تعيش في داخل متاهات فيضه قلته وانا رجلٍ تقوده مباديه = لا ماتجاوزت الخطوط العريضه اخطي واصيب وخالقي دايم ارجيه = انه يبصرني بعلم وحفيضه ادرابها نفسي عن الزيغ وتيه = واستربها عيبي وصون الفريضه |
رد: للي يدور للزعل مانت مرضيه = واللي يدور للرضا من يغيضه
صح لسانكــــ
اخوي ابوهيثم والف شكر على النص الجزل اللذي لاينبع الا من جزل وفي انتظااار جديدكـــــــ ان شاءلله اخوك طلال الايداااااء |
رد: للي يدور للزعل مانت مرضيه = واللي يدور للرضا من يغيضه
اقتباس:
|
رد: للي يدور للزعل مانت مرضيه = واللي يدور للرضا من يغيضه
أبو هيثم ماشاء تبارك الله إبداع منقطع النظير دمت بهاذا التألق نأمل أن لا تحرمنا من ألإتحف بمثل ذالك وتقبّل تحياتي |
رد: للي يدور للزعل مانت مرضيه = واللي يدور للرضا من يغيضه
رائعة يا ابو هيثم ...
الف صح لسانك على هذه الحكم النادرة.. دمت بهذا التألق... تحياتي .. |
رد: للي يدور للزعل مانت مرضيه = واللي يدور للرضا من يغيضه
اقتباس:
شرف لي أن شخصك يجد جمالاً في القصيده فذوقك رفيــــعٌ دائمـــــاً أشكرك من الأعماق على ردك لا تحرمنا هذا التواجد |
رد: للي يدور للزعل مانت مرضيه = واللي يدور للرضا من يغيضه
اقتباس:
اخجلنى اطرائك ولم تعد محبرتى قادره على مجاراه هرم ابداعك لا تحرمني هذه الاطلاله |
الساعة الآن (03:55 AM) |
Powered by vBulletin® Version 3.8.7
Copyright ©2000 - 2025, Jelsoft Enterprises Ltd
شركة استضافة:
استضافة
رواد التطوير
مايكتب في هذا المنتدى لايعبر بالضروره عن وجهة نظر ادارة الموقع وانما يعبر عن وجهة نظر كاتبه