@@ ياغلايه@@@
ياغلايه والعطايا بالكفوف= مدتن من صاحبك ومكمله لاجل عينك ماتشوف الي اشوف=ولاجل تجهل ماانا متحمله المواقف زادت الخفاق خوف=والعزوم امحاربه ومخمله سقتها مابين صكات الظروف=ومانقص منك غلاك ايكمله من مزايا طيبتك تاقف اصفوف=والمشاعر حايره متأمله ياصغيره يابريئه ياعطوف=ياعروسن بالورودامجمله قلت باتمنا ولو هو بس شوف=شوق قلبي هايجن مااتحمله صوريني بالقصيده والحروف=بالمعاني والوصوف امحمله والمحبه ماعليها من حسوف=لو عللها بالخفوق امهمله والخليل اللي على خله يروف=وفي وفا حبه وفاه ايجمله يستحق اني لغيره مااشوف=وفي خطاه اتحمله واتحمله لانه اوفى والوفى منه امعروف=وكمله حسن المعاشر كمله |
رد: @@ ياغلايه@@@
صح لساانكــ
اخوي حمد ويشرفني اني اووووول من يعلق عليها وسلمت اناملك على هذااااا النص الجميل ولا تحرمنا جديدكـــ تقبل تحيااااتي اخوكـــ طلال بن سعود الايدااااااااء |
رد: @@ ياغلايه@@@
الاخ والشاعر حمد الوايلي اعرف ان هذه القصيده قطره من بئرك العذب0 سلمت وسلم نبضك0 تحياتي |
رد: @@ ياغلايه@@@
حمد الوايلي شاعر جزل ومتمكّن بارك الله فيك وبيّض الله وجهك على هالجزله بإنتظار جديدك وتقبّل تحياتي وفائق إحترامي |
رد: @@ ياغلايه@@@
الاخ حمد الوايلي
الله يعطيك العافيه ولو ان الرد متأخر بس عاد تقبل مني وشد حيلك للعرس والله يوفقك بس عاد مو تتزوج وتبخل علينا بقصائدك قسم وقتك وعطنا منه شوي تحياتي لك ابو فارس :more71: مبروك مقدمآ |
رد: @@ ياغلايه@@@
الشاعر حمد الوائلي
صح السانك اولا الف مبروك الزواج والله يجعل ايامك كلها سعاده ثانيا لم نتعود منك الا الجزل كما هي هذه الباذخه الشعريه دمت بود |
رد: @@ ياغلايه@@@
الله يبارك فيكم ويسعدكم ومشكورين على هذا المرور الكريم
تقبلوا تحياتي |
| الساعة الآن (04:42 PM) |
Powered by vBulletin® Version 3.8.7
Copyright ©2000 - 2025, Jelsoft Enterprises Ltd
شركة استضافة:
استضافة
رواد التطوير
مايكتب في هذا المنتدى لايعبر بالضروره عن وجهة نظر ادارة الموقع وانما يعبر عن وجهة نظر كاتبه