اغليـــــــك واسهر لك مع الشوق مابات=واطلق عنــان البــــــــوح لجلك واجيبه
واصب شـــــوقي شعر واسقيك كاسات=واوردك عـــــــذب اللــــــــما من قليبه
وابهر دلال (ن) على القلب مركـــات=كيف وســـــهر واشــواق قلب وحبيبه
يامعرب الجدين ياطــــــــيب الذات=لولاك تســـــــوى ماارتجيـتك حبـــيبه
ولولاك عـالي ومنزلك فوق نجمات=ماشـاقتـك عينــــــي وجتلك ســـــــليبه
مالي مع الدنيـــــا ولا الناس غايات=دامك مطر يســــــقي جفافي صبيبـــــه
هنوفك عيونه معـــــــــاك أنت بالذات=وغيرك يمـــــــوت من القــهر مايجيبه
معــــاك احس الكون جنه وواحــــات=ودونك جنان العمر تــــــذبــــــــل كئيبه
تسري معك روحي على البعد بسكات=ويبقى الجسـد عندي يدينه عضــــــيبه
ولافي يدي حيله سوى دمـع وآهـــات=وشوق (ن) مهشم وسط روحي نحــيبه
ابيـــــع عمري واشتري منك لحظات=فيها احــس اني لك اقــــــرب قــريـبه
أنــــــــت الحنان اللي به القلب يقتات=وقوتي غلاك بدون شك (ن) وريبــــه
ووصلك هواي اتنفسه كل الاوقات=وإن غاب وصلك دوك عمري شبيبــــه
الشوق ورث داخل القلب جمرات=منها عـــروق القـــلب يســـعر لهيبـــــه
ياصاحــــــبي ماحط دونك مسافات=ولا حواجز وأنـــــــت قلبي وذيــــــــــــبه
صوتك سرق مني تفاصيل الاصوات=صوتك وطن واصوات غيرك غريبه
وحســـك آمـــــــان وغيبته عني شتات=حســــك مــطر وفياض قلـــبي شعيبه
وبوحك شعر..بوحك ترانيم نغمــــات=يصـــدح بمسمع خافقي ويغـــــدي به
أمـــــوت بك كثر الذي بالبحر مات=وكثر الجـــروح اللي ببعدك عطيبه
حبك ملكني دون اية وجاهات=وافرح بقربك يالغلا واهتنيبه
وكثر النجوم وليلــــــــها والمجرات=قلبي يحبك ياقـــــــــــدره ونصـــيبه
ما تبعدك عني ديار ومسافـــــــات=ومنــــساك لو عمري دفعته ضريبه