الشيخ ابن مرشد عريب الجدودي = اللي لهم بالمرجلة والكرم صيت
طراد ابن راكان شبل الاسودي = ضرغام مايلاقيه فلتان وفليت
أن جاء نهاراً فيه مثل الرعودي = صوت البنادق بالحروب السواحيت
طراد يفعل بالنمش والبرودي = ويرجح الميزان من كيت لاكيت
غصباً على حرابته والحسودي = ومكثرين الهجولة والهتاهيت
عطب الضرايب بالمواقف صمودي = يرسي كما ترسي جبال الهماليت
ضد الحريب أن حك عوداً بعودي = يسقيه سم يفتت الكبد تفتيت
من ذاق لسه بالطرد مايعودي = دبت حياته مايعود التلافيت
وأحلى لصديقة من حليب الصعودي = اللي قبلها يفتح النفس ويقيت
وعن الصديق بكل قوة يذودي = بالسيف والا بالعباريد تسبيت
ويقول والله ماتجيه النكودي = دونه سلاح يشتت الرؤس تشتيت
حكيم بالقالات ماهو هبودي = حلحيل ماتعود علومه هرابيت
رجال في كل الامور معدودي = ابو مطشر مكرم الضيف بالعيت
وافي خصايل والشجاعه بزودي = هي والكرم ياطيبين المنابيت
عجف السنين الجرد فيها يجودي = يوم المعيشه غاليه بالحوانيت
صينيته يشبع بها من يرودي = ماهي صياني لابسين الكرافيت
يضع بها لحم جزور وقعودي = من مرحوله قال منها تعشيت
وبيته ذراء عن كل ريحاً تنودي = معروف عند أجوادها حيها وميت
متواضعاً للناس لاقصى الحدودي = لكبارها وصغارها ماتعاليت
صميدعي طبعك تصون العهودي = وأن قلت قول تنفذه ماتوانيت
نعماً بخو عشوا وسيع البنودي = زيزوم ربعاً بالملاقا نواحيت
ونعماً بهلا العرفا نهار الحشودي = اللي يفكون المجنا الحتاحيت
ياعيال وايل يوم قدح الزنودي = من فعلكم عدوكم له هباريت
ليا ذكركم هج ركب الحيودي = كن فيه مس من الجنون العفاريت
من القراده والقسا والزهودي = ماله جدى غير البكا والتناهيت
خايف من اللي يحرقون الكبودي = أهل الفعول مطوعين العتاعيت
وصلاة ربي عد برقاً ينودي = على محمد صفوة الخلق صليت

للشاعر / منـــــاور الربيـــــلي العنزي