نسيتني وجروحك بقلبي وفيه مانست=تزورني في زحمة الناس ولا صرت وحدي
وجفيتني وأوجاعك الخرسا بجوفي ماجفت=كن الوجع أهلي وناسي في بعادك وولدي
وتركتني واقفيت وعيوني على السكه غفت=وتجرح الموق وأوجعني وضيق مرقدي
وغربتني ياوطن عليا وهي بارضك ربت=وضيعتني في بلاد الخوف والتيه والظن الردي
وإن مرت الذكرى بطاريك لحظه وإلا سولفت=يخمني الدمع حتى( يرتحل وعيي) وترجف له يدي
تضيـــــق روحي واختنق من صورتك لامن طرت=وأتنفس الموت لين اذبح من عيوني فدي
ياما على شانك سهرت الليل لاعينك غفت=وياكثر ماجيت في درب المحبه لك عدي
كنت احلف( لعذالي) انك غير وإن يوم غدرت=دنياي أبلقى فيك ظلي في ُمصابي وسندي
ولاكنت أسمع فيك قول الناس لو مهما حكت=فيك الثقه عدت حدود سهيل واطراف الجدي
وكنت اسألك لو يوم خانتنا الليالي واصرفت=عيني عن عيونك حبيبي تقدر تعيش بعدي
وكنت اوعدك إني أموت إن يوم به لحظه نست=روحي لروحك وانت توعدني بمثله موعدي
وكانت عيوني ماتشوف الا انت لو مهما رأت=وكانت عروقي تنبض بدمك وقلبك في يدي
وكناااا وكان الوصل ثالثنا وقمرنا ضوت=واليوم وصلك للأسف ظلام ليل(ن) سرمدي
(صرت اجهلك) ماكنك اللي يوم به روحي شقت=ولا عدت اعرفك آآآآآآآآه من ظلم الغياب المعتدي
ياسيدي دوك الضلوع الحدب وانظر وش نحت=هجرك على جرد العروق اللي بها ذكرك ندي
ورب العيون اللي بكت لاجلك ولاجلك ماعرفت=غير الدموع وقلة الحيله وضعفي وجهدي
ورب الشعور اللي تكسر داخلي لين ظهرت=ملامح الحرمان في وجهي وخاوان سهدي
ورب الدموع اللي غفت بوسادتي حتى نبت=شوك السهر بعيون من حبك وجرح لي يدي
إني ماجيتك طالبه حاجه ولو نفسي رجت=منك وصالك جعلها تفنى وترحل وتغدي
بس جيت أبسأل نفسك اللي داخلي يوم سكنت=وشلون قدرت تقتل النفس البريئه سيدي
وأبسألك يومك تشوف الروح جنبك كفنت=عجزت تدفنها ألين تصير جنبي (بلحدي)
يااخي ولو هو لجل عشرة هالليال اللي مضت=حقي عليك تودع عيوني وداع الاجودي
لكن عسى الله يغفر لمن هي على شانك جفت=كل البشر لين راح الكل واصبحت وحدي
والله يبيحك لاآخر الدنيا ولو روحك نست=يكفي جروحك في عروقي باقيه وسط جسدي...