ألاياتل قلبي تل بنزاً تله الحشاش=معه حملة حشيش وشاف دوريات وإنحاشي
بليا اشعور دز البنز وفز البنز يوم إيناش=شرار البنز من خلفه تلامع كنها افلاشي
رهن عمره على ثنتين حسبهن بالحياه ان عاش=حياة العز بين اهله وإلابالسجن عاشي
حداه الدين والديّان يطالب في حلاله كاش=عطاه المهله اسبوعين ويقبض بعدهن كاشي
ولاياوجدحالي وجد من ساقوه بالرشاش=اكلاشن كوف بكتوفه على غره وهو ماشي
ثواني واختفا شوفه عيونه لبسوها شاش=ولايدري وش القصه ياغير القيد والشاشي
ومضى عامين في سجنه ولايدرك وش اللي حاش=قضيه غامضه جداً لامجرم ولاهاشي
على خلٍ ملك قلبي وعيني متخذها فراش=سهرت الليل من بعده كرهت النوم وفراشي
حفيد شيوخ معروفه تفك الذود والأدباش=بزمان الرمح والشلفا وشبريه ونتاشي
(بنيّت)شيخ مزيونه ولايذكر بأهلها لاش=ولاعمه ولاخاله ولاربعه بهم لاشي
ابوخطوات موزونه مثل مشيت حمام الطاش=وخده لمعة مصقل بوسط اقتال وهواشي
لياسلهم بذيك السود وناظرني بهن برماش=نسيت اسمي ورايح وين تشك اني بحشاشي
سكرت امبيسمه والخد وعيونٍ هدبها اعكاش=وصوتٍ يخلف اليمه صهر قلبي على جاشي
هبوب الوجد تلعبي وتدق القلب بالمهباش=وانا مابين سندانة هموم ودق مهباشي
تمكن حبها بقلبي زرعته في خفايا الجاش=ولااصرّح بحبي له اداري هرجة الواشي
ألايالله يامسقي غصونٍ يابسه برشاش=عقب وبلك يخضّر عودها من مّي رشاشي
ترد الغايب لعيني قبل شوفه يجيها اغباش=دموع العين حراقه ومنها الشوف متلاشي

المشاركة الأصلية كتبت بواسطة رابح الغضيان (المشاركة 225426) هبووووب-الوجــــد ألاياتل قلبي تل بنزاً تله الحشاش=معه حملة حشيش وشاف دوريات وإنحاشي بليا اشعور دز البنز وفز البنز يوم إيناش=شرار البنز من خلفه تلامع كنها افلاشي رهن عمره على ثنتين حسبهن بالحياه ان عاش=حياة العز بين اهله وإلابالسجن عاشي حداه الدين والديّان يطالب في حلاله كاش=عطاه المهله اسبوعين ويقبض بعدهن كاشي ولاياوجدحالي وجد من ساقوه بالرشاش=اكلاشن كوف بكتوفه على غره وهو ماشي ثواني واختفا شوفه عيونه لبسوها شاش=ولايدري وش القصه ياغير القيد والشاشي ومضى عامين في سجنه ولايدرك وش اللي حاش=قضيه غامضه جداً لامجرم ولاهاشي على خلٍ ملك قلبي وعيني متخذها فراش=سهرت الليل من بعده كرهت النوم وفراشي حفيد شيوخ معروفه تفك الذود والأدباش=بزمان الرمح والشلفا وشبريه ونتاشي (بنيّت)شيخ مزيونه ولايذكر بأهلها لاش=ولاعمه ولاخاله ولاربعه بهم لاشي ابوخطوات موزونه مثل مشيت حمام الطاش=وخده لمعة مصقل بوسط اقتال وهواشي لياسلهم بذيك السود وناظرني بهن برماش=نسيت اسمي ورايح وين تشك اني بحشاشي سكرت امبيسمه والخد وعيونٍ هدبها اعكاش=وصوتٍ يخلف اليمه صهر قلبي على جاشي هبوب الوجد تلعبي وتدق القلب بالمهباش=وانا مابين سندانة هموم ودق مهباشي تمكن حبها بقلبي زرعته في خفايا الجاش=ولااصرّح بحبي له اداري هرجة الواشي ألايالله يامسقي غصونٍ يابسه برشاش=عقب وبلك يخضّر عودها من مّي رشاشي ترد الغايب لعيني قبل شوفه يجيها اغباش=دموع العين حراقه ومنها الشوف متلاشي أخووكم : رابح الغضيان