°~*¤®§(§ شبـــكة ويــلان العـربـيـه §)§®¤*~ˆ° - انا كبرت وتالي العمر محتاج ( محمد خلف سالم الخمعلي )

البـارحـة جـفـنـي بـــه الـنــوم مـــالاج
مـــدري عـــلام الـنــوم عـيــا يجـيـنـي
منـي سـرا فـي ليـلـةٍ مــا بـهـا ســراج
فـــرق ظـــلام الـلـيــل بـيـنــه وبـيـنــي
اخـذنـي الهـاجـوس سـجـه وبـــي راج
فــل الشـريـط المنـطـوي مــن سنيـنـي
ياطـول مــا سجـيـت رجـلـي بــالإدراج
علـى الـقـدم واحـيـان راكــب هجيـنـي
اسـري تـوال الليـل والصـبـح مانـبـاج
اتــرك لـذيـذ الـنـوم واسـهـرت عـيـنـي
من شان عز النفس عن درب الاحراج
اخـشــى تـمـيـل لـواحــدٍ مــــا يـبـيـنـي
عــن المـذلـة نـرتـقـي عـــال الابـــراج
راس الـطـويـلـة مــدهــل الغـانـمـيـنـي
لـلــي مجالـسـهـم بـهــا فـلــة احـجــاج
يـدلـه بـهـا مــن كـــان قـلـبـه حـزيـنـي
مـاهـي قـلايـص بـيــن نـاقــد وهـــراج
عـفــون الـرجــال مـبـوريـن الثـمـيـنـي
اهــل الـزرايــا مـابـهـم خـيــر ســـذاج
عــــن الـمـراجــل كـلــهــا نـاقـصـيـنـي
فــي حــاره الـجـيـران هـــده ولـجــلاج
مـــع الـمــراة والـــورع متضامنـيـنـي
هـــذي عـوايــد كـــل هـابــي وهـلـبـاج
يـاكـثـرهـم فــــي وقـتـنــا الـذاهـبـيـنـي
واليـوم فيهـا عـلـوم والـوضـع منـعـاج
مــع الكـبـر والـضـغـط (اه ) وونـيـنـي
مثلـي كثيـر مـن البشـر جمـع وافـواج
راح الـنـشـاط وكـــل قــاســي يـلـيـنـي
أخـذت احـسـب راس مـالـي والإنـتـاج
لــعــل مــــا قــدمــت يــوفــي بـديــنــي
الرابـح اللـي تجرتـه مــا بـهـا اخــداج
طـيــب الـعـمـل والعـاقـبـه مصلحـيـنـي
ذاك السعـيـد بعيشـتـه وان هـلـك نــاج
مــســرور بالثـنـتـيـن دنــيــا وديــنـــي
وخلاصـة الموضـوع ذكــرى ومنـهـاج
عـلــى طــريــق الـخـيــر ياسامـعـيـنـي
منـهـو يـريـد بخدمـتـي يلـبـس الـتــاج
وصـــيـــة الــرحــمـــن بـالـوالـديــنــي
انــا كـبــرت وتـالــي الـعـمـر مـحـتـاج
لـلـبــر والاحــســان بــاقـــي سـنـيـنــي
اكــل سـمـاط الـــزاد ويـدامــه اعـــلاج
عـسـى الـولـي فــي رحمـتـه يجتبيـنـي
ارجـي عظيـم الـشـان يـاتـي بـالافـراج
ويــبــدل الــشـــدات يــســـرا ولـيــنــي
والا الـمـقـدر مـالـنـا عــنــه مــخــراج
ولا شــك بالمـكـتـوب عـنــدي يقـيـنـي
لــو طـالـت الايــام مصيـرهـا ازعـــاج
حــالــة هــــرم ومــرادفــه مقـتـفـيـنـي
كـن البشـر قبلـي علـى الارض مـاداج
والـلـي خـذاهـم فــي طـريـقـة يجـيـنـي
وصــلاة ربــي عـــد مـاطــاف حـجــاج
عــلــى نـبــيــه خــاتـــم المـرسـلـيـنـي

منقول