°~*¤®§(§ شبـــكة ويــلان العـربـيـه §)§®¤*~ˆ° - سم حالي بنت بدو ٍ تسكن الشرقيه

- منتدي الشعراء (http://www.weelan.com/vb/forumdisplay.php?f=8)

- - سم حالي بنت بدو ٍ تسكن الشرقيه (http://www.weelan.com/vb/showthread.php?t=15055)

سم حالي بنت بدو ٍ تسكن الشرقيه

سم حالي بنت بدو ٍ تسكن الشرقيه = كن الأرض تبوس خطوتها ليا مرتها
جادل ٍ من دونها البارود والجنبيه = بنت عز ٍ للمعالي رافعه رايتها
بنت قوم ٍ يكرمون الجار والطرقيه = عزوة ٍ واسعدها مادام هم عزوتها
حظ أبوها وأمها مادامها نشميه = ياعسى ماتنقطع عن ناظري جرتها
صورة ٍعندي لها في خافقي مخفيه = ماتخيل كيف أبا أوصف لكم صورتها
عن بنات اليوم تفرق كنها حوريه =في طهارتها وعفتها وفي عزتها
مترفه سنعه رفيعة شان وسعوديه =واهني الديره اللي تعتبر ديرتها
قدها فتان وعيون المها سحريه =روجها محظوظ مادامه على شفتها
بالبهاء والحسن والأخلاق والحنيه =ألف ماشاء الله عليها ماخذه راحتها
والغنج والطيش والإصرار والنديه =تستمد المترفه منهم سماء قوتها
والتسامح والحلا والزين والجديه =والرومنسيه ونظرات الخجل ميزتها
الغلا والعشق والوان الزهر منقيه =جيت اقدمها لها ياجعلني فدوتها
يابنات المملكه عندي لكم برقيه =تذكر اسم الله عليها كل من شافتها
ياعساها ماتشوف المعضله والسيه =وياعسى أبياتي ليا من جاتها سرتها

رد: الجادل

الله الله

شاعر البيتين الف مليون صح لسانك

نص شعري رائع جدا صورة لنا فيه قصه جعلتنا نعيش فصولها بهذا الوصف الجميل والكلمات الرقيقه

احساس شعري مفعم بالصدق والاحساس

تقبل اعجابي وتقديري