كاتب الجعفري
هلامرحبا بك ياسعوط المجانين= بعد بانت نجوم السماء في سماها بعد مابحثنا عنك شفنا عناوين= عناوين قوم ٍعالي ٍ مستواها سعوط المجانين
يدوم البقا ياللي على العسر واللين = عسى الله يكافينا الليال وبلاها بعد مابحث عنا حفيد السلاطين = عسانا بمحل الهقوه اللي هقاها كاتب الجعفري
انااحكم على واحد ولااحكم على اثنين= يقولون صعب الناس تلقى رضاها يبي يكثر اللي يخدمون الحرمين= اذا الاسميا تطلع سوات اسمياها سعوط المجانين
اذا انك حكمت احكم بعدل الموازين = ولاتبخس الكفه عن اللي سواها ولو كثرت الاسما مايبقى سوى الزين = ولا كل من يبغى الطويله رقاها كاتب الجعفري
مادامك رضيت بحكمنا ياحمر العين = لاتزعل ومن دور لحاجه لقاها لاتاتي بحجه ماعليها براهين= ولاكل سلعة من بغاها شراها سعوط المجانين
على وين ياكاتب طريقك على وين = قضيتك ماندري بوجهة سراها ترى هروجكم هذي لها حول عامين = طغا مرها ايلين دمر حلاها كاتب الجعفري
معك بندقية ماتصيب النياشين= تجي دونها نوب ونوب وراها تسمى باسم طيرعريض الجناحين= بدار الرجال اللي تعز اخوياها سعوط المجانين
انا كيف اب اخطيها ولا شفت لي شِين = ياشين السوالف من خلاها بخلاها هنا او هناك الراس مرفوع مترين = مجمل ربوعي وكاسبين ٍ رضاها كاتب الجعفري
لوانا نحطه لك على بعد شبرين= ماندري عيونك وش مسبب عماها ماذمك لكنك لاتعدى القوانين=ترى الاسم له قوم رفيع ٍ نباها سعوط المجانين
نحل العقد ونفسر الحلم ياحسين = ولايطوفنا المعنى لو اعتم غطاها انا قد ذاك الاسم بالراس والعين = رح انشد عتيبه مع جميع اقصراها |
رد: سعوط المجانين
بداية رائعة ...
طاروق من بدايته يوحي بالجمال .. شاعرين تعودنا معهما على الابداع والمتعة .. متاااااااابع |
رد: سعوط المجانين
اقتباس:
والاروع هذا التواجد الجميل |
رد: سعوط المجانين
الــــــــــــــــــلـــــــــــــــــــه الـــــــــــــــــــــلـــــــــــــــــــــه
علــــــــــــــــــــــــــــــــــــــــــــــــ ـــــــــــــــــــيكــــــــــــــــم شعراء مبدعين بماتعني هذه الكلمه وأنا هنا بصف الشاعر سعوط المجانين ولاهان شاعرنا المبدع كاتب ماتبعين لكم دمتو مبدعين تحياتي وتقديري |
رد: سعوط المجانين
لاهنتو على المرور والله يبيض وجيهكم
شاعر البيتين لاهنت ويشرفني انك بصفتي ,, |
رد: سعوط المجانين
وانا بصف كاتب
ونشيل مثل ماتشيلون وسلمتم من الحين |
رد: سعوط المجانين
شاعر البيتين
ابو غرام نورنا مروركم الكريم وصفي وصف سعوط المجانين واحد |
| الساعة الآن (12:47 PM) |
Powered by vBulletin® Version 3.8.7
Copyright ©2000 - 2025, Jelsoft Enterprises Ltd
شركة استضافة:
استضافة
رواد التطوير
مايكتب في هذا المنتدى لايعبر بالضروره عن وجهة نظر ادارة الموقع وانما يعبر عن وجهة نظر كاتبه