الزمن ظالم وانا حظـي غبـي!!
والعمـر يمشـي ولا ينظـر وراه

غاطسٍ بالطين لـي حـد ركبـي
مالقيت اللي رمـى حبـل النجـاه
/
\
كان ياماكان به "بنـت" و "صبـي"
مضربٍ للحـب بأفـواه الـرواه

ان عطوها العـاب عيّـت تلعبـي
ترفض انـواع اللعـب الا معـاه

وان عطـوه الـزاد عيـا مايبـي
كود بعـد اللعـب معهـا بالفـلاه

قالوا: اصغيره!! واهو ماهو نبـي
الطفل يخطـي لسانـه ويعصـاه
/
\
قال : شوفي ! بس ابي يخط شنبي
لاكبرنـا انتـي لاحلامـي فتـاه

قالت : اسمع..لاتصير اكبر غبـي
لاكبرنـا كــلٍ يحـقـق مـنـاه
/
\
ودارت الايـام والعمـر يحـبـي
والولد راح يتـرزق فـي صبـاه

"عشـرة" سنيـنٍ قضاهـا بتعبـي
مع "ثمان" و"خمس" من عمره قضاه

ثم رجع وبخاطـره احلـى ظبـي
لكن الاقدار خانت فـي هـواه !!

قال يمه ..قالـت : بأمـي وأبـي
الظبي غيرك وانا امك قـد رمـاه

قال:خانت!! قالت أمـه وش تبـي
ياولدي وسط العرب ألـف بحـلاه

وابتدى فيـه القهـر يدبـي دبـي
وقال امانه ..احفظو عني وصاه..
/
\
"الزمن ظالم وانـا حظـي غبـي
والوعد ضايع خصوصا مع فتـاه"

مصلح ... مصلح ... مصلح ....

صح لسااااااانك بليووووووووووووووون ... ابدعت ابدعت ابدعت

سمعتها على عجله ليلة البارحة .... وتمعنت بها الآن ....

قلت لك ليلة البارحة ... مجنون مع مرتبة الشرف

واقول لك الآن ... مجنون بدرجة دكتوراه :)

شهادتي فيك مجروووووووووحه يامصلح ...........

ابدع ... انثر ... >>>>الجزاله .. الابداع .. جمال التصوير ... الحبكه الشعريه التى لا يجيدها الا الكبااااار )

دمت وموطنك الأبداااااااااااااااع

* لازم كل قصيدة بأتصال يابعد فررررررررتي لا تبخل علينا ....

تأكد ان هناك من ينتظر مصلح بإبداعاته :)