كاتب الجعفري
سلام الله سلامٍ يقعد اللي في عيونه نوم=من اهجوسٍ مثل هداج تيماء فيض جمتها بعد ماقسموها صار قسمك مع كبار القوم=عسى ربي يعز المملكة ويعز قادتها خلف الغريب
هلا يا مرحبا ترحيبة الشغموم بالشغموم=تراحيب مثل نو السحابة يوم هلتها ليا صارت قسوم يصير قسمي فأول المقسوم=واذا هي مطمعة نفسي بلا حقران عافتها كاتب الجعفري
عسى فيك البقا اللي ترحب والعلوم علوم=الا يالله تجازي كل ناسٍ حسب نيتها اظن القسم جاك وصدروه القوم بالمرسوم=وناس ودها الطمعة تقص القوم جرتها خلف الغريب
عسى الله لا يسامح من يسن الخنجر المسموم=وش اللي ترتجيه من الخناجر يوم سنتها لو ان الرزق بيدين الخلايق جا خلف محروم =لكن الرزق من فضل الكريم بدون منتها كاتب الجعفري
هداك الله مااقول انك مدل ولاانته بمنجوم= ترى كاتب ماله بالناس روحتها وجيتها قبل يومين ذاع اسمك ثقة من حاكم بمحكوم= نقرب بالمسافة وانته اتطول مسافتها خلف الغريب
تراني ما اتهمك ولا انت عندي بالردى متهوم=لكن السالفة يا ابن النشامى ويش قصتها ليا منا حمينا لازمتنا ما يجينا لوم=على درب الجدود اللي مشينا مع طريقتها كاتب الجعفري
من امس العلم جاك ولافهمت العلم غير اليوم=تعدتك القضية والعرب قبلك تعدتها مالوك ياخلف مادام جوك صار فيه غيوم= ومن كثر القضايا مانته بعارف تفرمتها خلف الغريب
تراني قبل مدة جاي اسمي بالخبر موسوم = بصفحات الجرايد والثقة يمناي جابتها عوايدنا نجيب البيرق اللي بالخطر ملزوم=يمانينا تنال الطايلات ولا تفوتها كاتب الجعفري
ترى ماهي غريبه ياعسى حكم البلاد يدوم = بني وايل ترى حكم الجزيرة في سيادتها ضنابشر وضنا مسلم تفاخر يالعميل عموم = يدٍ وحده ولا احدٍ يقدر يزعز بوحدتها |
رد: خلف الغريب
صح لسانك ياكاتب ولاهنت وباانتظار خلف
|
رد: خلف الغريب
سعوط المجانين
صح بدنك يالذيب ولاهنت على المرور |
رد: خلف الغريب
كاتب الجعفري
صح لسانك وسلمت على هذا الطاروق الظاهر ان خلف سحب على دوام بكره وعطل بدري يمكن هالحين في له طعس بالبر بس لامشكله ننتظره لو بعد حين .. مصيره يرجع تقبل كل الود |
رد: خلف الغريب
اقتباس:
والله ما ذكرت الا الصحيح يا ابو سيف ( تقول معنا آمنت بالله ).. تخيل المشهد .. شبة نار وشعر ووناسة لا يعلى عليها ويكفي انها في ضيافة ابو مصعب علي السابل والارض خضرا والجو مائل للبرودة تتشتت مع دفء الجلسة .. اما دوام بكرة فأنا باجازة من امس ودوام بكرة منتهي وضعه من يومين ... لي عودة صباحا بإذن الله .. |
رد: خلف الغريب
هندي المقبل
صح بدنك وسلمت يالغالي اما خلف معه معه لكن فكه مافيه فكه ههههههه اسعدنا مرورك العاطر احترامي وتقديري |
رد: خلف الغريب
اقتباس:
ههههههههههههه الله يحييك يا كاتب واتشرف باللعب معك .. ( إن موعدهم الصبح أليس الصبح بقريب ) |
| الساعة الآن (01:42 PM) |
Powered by vBulletin® Version 3.8.7
Copyright ©2000 - 2025, Jelsoft Enterprises Ltd
شركة استضافة:
استضافة
رواد التطوير
مايكتب في هذا المنتدى لايعبر بالضروره عن وجهة نظر ادارة الموقع وانما يعبر عن وجهة نظر كاتبه