هبوط اضطراري لشخص يستحق المدح
قصيدة مهداة الى الاخ العزيز/خالد بن مجول البجيدي العنزي ---- وهويستحق ذلك
من لايشكر الناس لايشكر الله ابيات بسيطة لعلها تصل لنصف ذائقتكم وكذلك اتمنى ان تشرفني عند من هي له واكون قد اجدت بوصف طيبه لو ببعض الابيات والعذر والسموحة على التقصير
الحر شلّع في جناحينه وناض=يرقى سنود لعالم المجد ويطير مثل البحر في زمة الموج لافاض=يجيك كله محتدم بالفضاء يدير ويازين فعله لاضرب مخلبة قاض=خرب الحباري ريشهن له بعاثير هذي فعول الصقر لاجاك نهاض=ابوفهد حرٍ فعوله مشاهير يدخل على الصعبات بالمعركة خاض=كل المواقف حلها فاز بالخير خالد ولد مجول مع الطيب له ماض= وِلد الخساير مايعرف المخاسير ماحسب لفعله مع الوقت باغراض=يفعل ويلقى بالوجيه المناعير يمد كفٍ وسطها الفعل يهتاض=يشوش معها راسه ومده يسير حتى تصير المعضلة تحت الانقاض=بين الحطام ولالقوها المداوير حرٍ فعوله كلها كبار وعراض=وعندي دلايل لو تبون التفاسير و ختامها سلامي و صل الافراض=وادع الكريم يكثّر بوقتنا الخير وسلامتكم ==== |
رد: هبوط اضطراري لشخص يستحق المدح
صح لسانك يابو صالح
ومن حسن حظي ان اكون انا اول من رد هنا فالشاعر ونعم والممدوح ونعم وكلهم عينين في راسه اخي الكريم ابن مجول من الخسران فعله وطيبه وراثه ماهو تكلف تسلم وبتاصله باذن الله صح لسانك يالغالي |
رد: هبوط اضطراري لشخص يستحق المدح
الشاعرالانيق/سالم صالح صح لسانك حتى الرضا جزله من شاعر لايأتي إلابالجزل وألف نعم بالمادح والممدوح بيض الله وجهك والاخ خالدبن مجول جدير بالمدح ويستاهل هذه الشامخه من شاعر شامخ شعراً ورجوله تحياتي لكم جميعاً،،،،،،،،، يثبت |
رد: هبوط اضطراري لشخص يستحق المدح
الشاعر سالم صالح لاهنت على هذه القصيده التي حملت في ابياتها لنا صفات شخص يستحق المدح وكانت رائعه وجزله وتبيض الوجه ياابيض الوجه صح لسانك عدد بلا مدد |
رد: هبوط اضطراري لشخص يستحق المدح
المميز / سالم صالح
صح لسانك و يستاهل الممدوح .. و نص يستحق التثبيت .. مبدع يا سالم .. في الغزل و الحكمه .. و الآن تتحفنا بهذه الرائعه في المدح .. شاعر رائع .. نص شامخ و مفردات حركت امواج الروعه .. اسلوب مميز .. . تقبل مروري و تقديري .. |
رد: هبوط اضطراري لشخص يستحق المدح
شاعرنا الرائع سالم صالح..
الف صح لسانك ولا هنت على مشاعر الوفاء التي سكبتها لنا في هذا القالب الجميل من الشعر الرصين .. مدح لمن يستحق المدح ويستاهل ابا الخساير طيب ومن طيبين .. لا يستغرب الطيب من اهله وكلكم من اهله .. الف تحية لوفائك وانت دائما وافي الله لا يهينك .... |
رد: هبوط اضطراري لشخص يستحق المدح
الأخ العزيز والشاعر المبدع // سالم صالح
أشكرك من أعماق القلب على هذه الأبيات الجزلة الرائعة المادحة وهديتك يا أبا الدانة أعتبرها وسام على صدري وأنت راعي الأوله بالطيب كما أشكر الشعراء والإخوان الكرام: ( أبو غرام , رابح الغضيان , حمد الوايلي , سعد النفج , خلف الغريب ) على إطرائهم الطيب , والغالي على قلبي وتقبلوا شكررررررري |
| الساعة الآن (05:01 AM) |
Powered by vBulletin® Version 3.8.7
Copyright ©2000 - 2025, Jelsoft Enterprises Ltd
شركة استضافة:
استضافة
رواد التطوير
مايكتب في هذا المنتدى لايعبر بالضروره عن وجهة نظر ادارة الموقع وانما يعبر عن وجهة نظر كاتبه