ســلام الله عـلـى ظـلـم الـفـراق وقـسّــوة الأيـــام = عسـى ربـي يسهـلّ لــك طريـقـك وتحـيـا وتــدوم
رح ووجهك بياضـه مـن بيـاض الصبـح ماينـلام = وانـا مـن مـدّة ايديـن البخـت يرضينـي المقسـوم
وش بيـدّي وقـف حــظ الفقـيـر ومـاتـت الأحــلام = إذا حـبّـك مــن أوّل يــوم وفـراقـك مــن أوّل يــوم
رقبتـي قفلتـيـن وسـيـف هجـرانـك مسـيـرة عــام = جلدنـي وأنكـرتـي ملـحـة العـشـره وربـعـي قــوم
يهونـهـا لــو أن الـحـظ يـسّـلـك مـسّـلـك الأقـــدام = ماكان أوصل حدود الأرض وأعـوّد وأنـا محـروم
تصافـق لـك معاليـق الضمايـر يـا بـعـد مــن قــام = وخلانـي خصـيـم لوسـعـة الـصـدر ولـذيـذ الـنـوم
أداري عبـرةٍ ضـامـت عيـونـي والعـيـون تـضـام = وأكبّـر هقوتـي لا كـبـرت الشـرهـه وكـبـر الـلـوم
ياويلـي مـن مناديـب الضنـون وطـرقـة الأوهــام = تساوينـي معـك فـي خـانـة المحـمـود والمـذمـوم
تشوف أنّك على حد اليمن وتشوفنـي فـي الشـام = وأشوف أنّا علـى وجـه الحيـاه أثنيـن تـوم وتـوم
تـذكّـر وأنــت عـنّـي بـعـد الأبـــوّه عـــن الأيـتــام = رهيـن الغربـه اللـي مــن ديــاره ماتجـيـه عـلـوم
بعـد مـادار عـام مـن المـفـارق يــا غــرام الـعـام = وروحــي مابـقـى الا زفرتـيـن وتـبـلـغ الحـلـقـوم
لا تـرخـص قيمـتـي لامــن تذكـرتـك وأنـــا قـــدام = وجيهـن تذكـر الظالـم ولا تــدري عــن المظـلـوم
مابعتـك بالسحايـب والبـروق السـمـر والأنـسـام = وسامـونـي بتلويـحـة وداع وبـعـت بــأوّل ســـوم
سئمت العيش (نون وصاد) واللذات (سين ولام) = بـنــادم والـبـنـادم حـيـلـتـه مـاتـوجــد الـمـعــدوم
مادام الصحف جفت وأنت رحت ورفعـت الأقـلام = علـى حـبٍ مـن أوّل يــوم وفــراقٍ مــن أوّل يــوم