لبسني صوتك البارح وأنا في نشوة استشراق=احارب فلسفة حلمٍ رماني في متاهاتِه
صحيت ونامت اوجاع السنين وجيت لك منساق=لدربٍ اجهله ..لكن تعلقت بمساراتِه
ابحيي صمته بركضي مادام إن الفضا رقراق=بشعرٍ يشرح صدور الحيارى في ملاقاتِه
ابزرع بك طهر آدم .. ابجني من نحرك عناق=عناق اصدق من آهات لغريبٍ موطنه فاتِه
وإذا مات الرجا دونك .. اعيشك بالمنام اشواق=اعيشك (أجودي) صدره تزاحم فيه فزعاتِه
طريقي لو بدى وردي .. ياعمري بالنهاية شاق=وانا شرقي سقى مجده من أمطار إنتصاراتِه
دخيلك يازمن قدّر مسافات إقطتها ساق=ولا تتعب عظم ساقٍ ذبح للأرض خطواتِه
أنا اللي تعرفه صدري تضيق سنينك وما ضاق=نما عشقي وسط قلب إحظنته عروق نخواتِه
لذا لله إعتقني .. بغنّي للغلا مشتاق=بمسّي صوتها قبل المسا تتكاثر اصواتِه
مساء الخير ياصوتٍ طرد سرب الظلام وراق=مزاجي .. لين بعدني حنيني عن غياباتِه
مساء الخير ياجذعٍ حكى لطفلاته الأوراق=خفايا أربع فصولٍ تمرّد جوها بذاتِه
مساء البسمة العذرا على شفة شعورٍ باق=من عيونك إضاءاتٍ زرعها في مساحاتِه
مساءك غير ياحرفٍ تغنّى في غلاك وفاق=من نعاسٍ قضب جفن القصيد ويرفض إفلاتِه

المشاركة الأصلية كتبت بواسطة رابح الغضيان (المشاركة 233562) طبيعي هذا الذوووق الرفيع طالما خلفه مشرفتنا الكريمه الجادل طاب ذوقك وصح لسان الشاعر تحياتي لك