ياجماعه اعضاء المنتدى الموقر انا قدر الله على وطلعت للدنيا احب القصيد:sm15: اكثر من حبي للكبسه


على لحمة الحاشي,,,<<<تسذوووب تحب الوجبات السريعه اكثر:sm287:


وكل يوم اشوف شاعر طالع بمجله بشرته تــــــــــــــــــــلمع توه جاي من الحلاق ولابس خاتم


بالخنصر ,, واذا خشيت المنتديات لقيت القصيد اشكال وألوان صرت ماعاد اميز بين الشعراء والمستشعرين لين


صرت خبيله ..:more57: وذا رحت للتلفزيون لقيت القنوات الفضائيه


ملياته رجال كثيرين مااااااااااااااااااره يقولون قصايد وزاد الطين بله واختلط الحابل بالنابل


قالوا لي ياهبوووب بس انتي مهبوله ماتميزين بين القصيد الاصلي والقصيد الى مشي حالك


ياشاعر قلت لا اعرف والدليل ان الشعار الكبار الاصلين دائم دايم يثنون على قصايد الصغيرين


ويمدحونهم مااااااااااااااااره ,,,يمكن يجاملونهم بس شلون جدي يقول القصيد مابه مجامل:sm31:

وقعدت افكر وافكر وانا اكل بسكوت واكل علوك علك باب الحاره يهبل :sm66: يقولون


ان اغلب الشعراء الصغار ياكلون علوك قبل يكتب القصيده لجل يطقطق علينا وينفخ بلونه


واذا طق طق على روسنا اكيد مراح ننتبه للكلمات ثمن بنقول صح لسانه صح لسانه,,,


وصرت اغار وانفضخ قلبي ابي اصير شاعره بالطيب بالغصب هم مو احسن مني


وبعدين فكرت لو اصير شاعره بصير الاولى بالخليج العربي لان الشاعرات الى عندنا


بالخليج مشهورات كلهن تهجين وتجنيس ومع هذا رازينهن شاعرات الخليج:sm10: ومسيكينات


شاعراتنا الاصليات مالهن كرت طايح عند الاعلام والمجلات اي اكيد يقولون بلاهن


معقدات بس انا مافهمت وش معنى معقدات قعت افكر وافكر قلت اي يمكن علشانهن


مايعرفن يضحكن و ماياخذن بساكيت وحلاو من البقالات التلفزيون


وسوبرماركت المجله وكشك المنتديات علشان كذا حطوا بهن التهمه انهن مايعرفن وقصايدهن


عاديه مأأأأأأأأأأأأأأأره بس الصحيح عكس كذا تقوله جدتي:sm82:


اي اكيد اهلهم وكرامتهن عودوهم على ان قصايدهن تغلفها وتنشرها بدون ما تضحك وتلتفت يمين ويسار


عكس المهجنات ياحليلهن لو تسال وحده مقصوص سرها بالاردن قالت بالنعيريه لو وحده مقصوص سرها بالصعيد


قالت بالجهراء ولا عاد الثالثه يازينها ياحلوها ياربي ياربي اصير مثلها حلووووه جايه من زمان من مدينه


اصفهان يوم جلست بالخليج عقب كم سنه قالت انا اصل جدي من الصمان:sm17:وصارن مشهورات


اي اكيد علشان يرحمونها واذا ماعرفت تكتب بيت قصيده راحت تصيح ثم عاد


الشاعر الصغير والكبير يقولها تعالى يابنيه ازينها لك ,,,وبدال مايزينها يكتب لها قصيده كامله إهيب:sm119:


ياخلف الله وانا اختكن ياشاعرات بلدنا مالكن حظ في التقدير مثل المهجنات ,,,


المهم فتحت منتدى الا واشوف ذيك القصيده الى قسمت البطين الايمن في قلبي عن البطين الايسر


وانقهر وانوح نوح الحمام فوق السطوح واشاهق واناشق لان القصيده حزينه والشاعر كاتب


كلمات قوووووويه مآآآآآآآآآآآآآآآآآآآآآآره عن فلسطين ويقول انه بيروح يحررها وياخذ ولد عمه


ولد خاله وولد الجيران رحمته مره وقلت ياربي ياربي انك تخليه عز وذخر لنا هذا هذا هذا


المرجله القصيد يطلع من القلب والحشى وبين الاظلاع وضاق خلقي ورحت لبنت جيرنا عمشى


قالت افتحي البلو توث بوريك شي بنت قصه شعرها جنااااااااان وصبغته تهبل واستقبلت البلو توث


وبققت عيوني يمــــــــــــــــــه يمـــــــــــــه من الى معها يرقص قالت هذا الشاعر الفلاني


قلت هذا الى بيحرر فلسطين انا قريت قصيدته قالت اي اذا خلص الحفله بيروح مع عيال عمه


بس هذي ياهبووب استراحه محارب :more52: قلت امحق من محارب الله من الهياط


قلت طيب عندك مقاطع ثانيه قالت ايه قلت عندك للي يقول انه خليفه هارون الرشيد قالت اي


واشوفه هو وسنيناته المتكسره يتزلج على الجليد قلت امحق هذا خليفه هارون ومار جلست


اكل بأظافري من القهر قالت هبوووب قلت وش تبين ياعمشى قالت سمعتي قصيده الى ماعندهم


فلوس الفقراء قلت اي يزينها محزنه من قايله قالت قايلها ابو خاتم الماس ابو حواجب قلت


شلون يقول قصيده عن الفقر ومعاناتة وهو مع مربيته الكنديه يومه صغير بمنتجع مرابيا قالت


ياهبوووب لاتدققين لجل ماتنهبلين هذا يشتري بالجمله قلت اسمعي ياعمشى خلاص قررت اكون شاعره بالغصب


ولازم الشعراء يصفقون لي ويعطوني وسام حالى حالهم لاكلمات ولا هم قدوه ولالالالالاخلاص انا


شاعره بيتنا:sm254: قالت انتي انهبلتي يابنت قلت ايه انهبلت والدليل شاعرتنا السعوديات


مابه احد يذكرهن بالاعلام او يمر على قصايدهن مرور الكرام :sad: وشعراء بالمنتديات


ياعمشى والله ان قصايدهم تزلزل الجبال احسن من راعي هارون وراعي فلسطين والفقر


واحسن من الى مشبه حاله ذيب وهو حصني يترقص ,:more68: والله ياعمشى


الشعر الحقيقي صار من خلف الكواليس وبالمنتديات ولا الامسيات والقنوات والمجالات


صارت عرض شمغ وسباح وخواتم بالخنصر لذلك بصير شاعره:sm254:

هبوووب<<<تنهدت من قلب نزل عليها الالهام اصبروا ياجماعه جت جت القصيده:more3:

البارحه عيني ماشافت النووم**من حبك ياحبيبي والقلب عطشان<آآن

شفت زولك ورى الدريشه تقل جني** طالع من بين القبور ضمياااااان<آآآن

قلت وش بلاك يابعد حيي**قال اذلفى عن وجهي تراي حيرااان<<أأأن

قلت اقول اعقب يابعد قلبي**قال الخلا يانعبوا من قال عشقاااان<آآن


...اعزائي تقبلوا يوميات انسانه تراى شعراء حقيقين نجوم ساطعه في سماء الشعر في هذا المنتدى وغيره لم ينلهم


بريق الاعلام الزائف شعراء لم تذكر اسمائهم في مجلات الشعر الشعبي الروبي والعجرمي مجلات


اختلط بها الشاعر مع عارضة الازياء ,,, تقبلوا فكاهة بنيره عتاب لااعلام اعمى اظهر شعراء


متملقين وصلوا الى شاشات الاعلام لتقبيلهم يد فلان وجبين فلان وكتف فلان,,,


تحياتي لكل شاعر بمنتدى ويلان وغير ويلان لم يكن كهولاء النجوم الساطعه الأفله ببريق


المحاباة والنفاق شعراء قصائد الدينار والدرهم