اشهر الفتل والنقض
السلام عليكم ورحمة الله وبركاته
هناك ابيات تبقى خالده بالذاكره لقوة فتلها وقوة نقضها وسوف اسعى انا وبقية اخواني المهتمين بفن المحاوره لجمعها للفائده فااتمنى المشاركه من الجميع محمد الجبرتي
انا بطني كبير وياخذ الرجال عرض وطول = لك الله ماتجي لي ربع لقمه يادخيل الله
دخيل الله الزحيمي
وانا سماً قليل ولو كليت السم ويش تقول = ذبحك السم في بطنك ومت ولا رحمك الله
نواف العازمي:
انت عادي مير عندك شي والله ماهو عادي = مير انا ياشافتها ياصاحبي ماقص أثرهـا ما لقينا في حراج السوق ياغير المـزادي = كل مايركد هواها مرها عمـر وعمرهـا كريم رحيل العنزي:
مانجيكم غير مع درب الشريعه والمبادي = طول الهرجه وسيع المعرفه وإلا قصرها انت غادي حال وإلاحال يمكن مانت غادي = كيف ابنصر عالماً ربي تعالى مانصرهـا |
رد: اشهر الفتل والنقض
رشيد الزلامي :
أشوف الليل طرّف وإسمحولي ياهل الحله = على دربي حصاة ٍ ودي أقلعها وأكسرهـا
محمد السناني:
أشوف الليل طرّف وش يخارجني من العله = على دربك جبل يضرب عتابه مع مناخرهـا
فيصل الرياحي
وش حيلة الواحد اليا قابلوه الثنين = تسحب عليه الجنابي ويتهزا بها
حبيب العازمي
يصفق هذا باليسار وصاحبه باليمين = من لايدسم يمينه ماتعشى بها
|
رد: اشهر الفتل والنقض
محاورة قريبة عبدالله الاشرم يقول لابن عتقان بعد مات الجبرتي مابقا بسليم غير اثنين = ابو مشعاب الاول والله اللي يعلم الثاني قال ابن عتقان زعامتنا وراثه نحمد الله بين خشم وعين = لابن عتقان والا شالها واحد من اخواني ونفس المحاورة قال ابن عتقان ياسور الصين مامثلك ولازيك ياسور الصين = يعذربك الرشيدي وانت بني طوال الايماني قال الاشرم ترى جسر المحبه في بحرنا يروح للبحرين = ويسكن دولة البحرين بحيرني وبحراني |
رد: اشهر الفتل والنقض
صح لسان المشارك والرادين على المشاركه وصح ألسنة الشعراء الذين قاموا بذلك المجهود الرائع لأنهم من فطاحلة الشعر الذي يتذوقه كل من يقرأه
والله ولي التوفيق |
رد: اشهر الفتل والنقض
عبدالله الذيابي (العمى )0
شايف ٍ لي ثلاثه من جنود المرور= كل واحد يبا فرصه ويختارها
كريم رحيل العنزي
شايف ٍ لك ثلاثه من عيال النمور = تاخذ الثار دايم ماغدا ثارها
حبيب العازمي
مرحبا بالحربي اللي مافقدته غير مـره = مرة وحده وحصلته ميتة مـره بعدهـا ون بغيت أدوره حصلت له فالأرض جره = جرة الحربي تعلم به ولو محد(ن) نشدها صياف السحيمي
البقا باللي يرحب بي ورا وادي مسـره = ون فقدني مرة وحده يحضر لي سندها جرة الحربي دلايل خير مافيها مضـره = يوم بعض القوم ترفع رجلها وتحط يدها |
رد: اشهر الفتل والنقض
ملفي المورقي
ياحصان القوم ياللي جيت ضاوي = ياعسى ساسك من الحصن الاصيله
عبد الله العير الله يرحمه
الحصان اللي تشوفه مايراوي = منوة اللي يطلقه في وسط خيله
صياف الحربي
البندق اخذوها الجماعه مامعك غير الحزام = بعض الجماعه بأخر الفزعه تبيح سدودها
رشيد الزلامي
البندقه والسيف معيه واتجه قبله وشام = يومن نارك يالحريبي مايدخن عودها
|
رد: اشهر الفتل والنقض
فــيــصـــل الــريــاحـــي
أن وقعت في الصخر وان وقعت في العدام = حنا سيـوف المعـارك وأنـت سكينهـا
حــبــيـــب الــعــازمـــي
لو مامعي غير سكيـن ومطـرق بشـام = أخذ سيوف أكثـر البقمـى مـن يدينهـا
|
| الساعة الآن (10:11 AM) |
Powered by vBulletin® Version 3.8.7
Copyright ©2000 - 2025, Jelsoft Enterprises Ltd
شركة استضافة:
استضافة
رواد التطوير
مايكتب في هذا المنتدى لايعبر بالضروره عن وجهة نظر ادارة الموقع وانما يعبر عن وجهة نظر كاتبه