يا من يجيب العلم وشلون سلطــــــان = بانظارنا واسمــــاعنــــــا محتــريـــنـــــــه
ولا حداً يجيب العلم ياكود سلمـــــان = النــــادر المشــــهور عضــده يمينــــــــه
تكفى يابو فهد ترى القلب وجـــــلان = رد الخبر لا هنــــت باصدق يقينــــــه
من روحتـه والبال مشغـول حيـــــران = وندعي ولي الكون يشفــي جبينــــــــــه
الله يجيبه سالمـاً شوف الأعيـــــــــان = يا الله يـا المــعــبــود مـــهــل سنينــــه
الليث أبـو خالـد له المجد عنـــــوان = طريـقــة أبيض وابيض الوجـــه وينـــــه
غيبــة سمـوه فجرت سد الأحـــــزان = عــز الله إنــــاَ بالوطــن فاقـــديــنـــــــه
سلطــان أخو نوره ذرى كل بلشان = العضـــد الأول لبــو متــعــب عــويــنــه
قـايـد جيوش المملكة والفخر بــــــان = تشـهــد لــه الأفـــعــــال والله معـيــنــــه
صعد صروح عاليه ذرب الأيمـــــان = وميــزات أبو خـالـد قــويــة ثــمــيــنــــه
مـــأثــرهـ ما تنصحر وسط ديـــــوان = رجل المواقـف للـخـطــــر مــحتـســيــنـه
أوامـرهـ يخضع لها الجيش بإعــــلان = عــــــدوهـــم يــابــان ذاق الـغــبــــــيـنـــه
يا الله تحفظ طيب الصيت والشــان = سيف الوطن ريف المواطن خــــــــديـنـه
الملهم الصنــديـد فـي كــل ميــــــدان = ابــن الـمـوّحــد للجـــمـــــوع الرزيـــنــــه
عبد العزيز الفيصلي عز الأوطــــان = مكــاســبـــه مــع الفــخـــر فـــوق ديـنــه
وسلطان مثله بالحلايا والألــــــــــــوان = مـثــل أبو تـــركي فـــي يـمينـه وعـيـنـه
سلطان سلطان السعد وبن ما كــــان = كــلٍ دعــالـه والـــــولــي طــالــــبـــيــنــه
يعيد أبو خـالــد ســلايــل كحيــــــلان = ويجـلـــى قلوب الشعب وجــلا حــزيـنـه
رد الخبر يا معَرب الخال سلمـــــان = شـــــوفــــه وشــوفــك كلـــنـــا محـتـرينه
وصلــوا على المبعوث ختم الأديــان = شـــفـــيـعـنــا يـــوم الخـــلايــق رهــيــنـــه