°~*¤®§(§ شبـــكة ويــلان العـربـيـه §)§®¤*~ˆ° - يا مخلف الهقوهـ .. ظنونكـ عرايا..

- منتدى المختارات الشعريه (http://www.weelan.com/vb/forumdisplay.php?f=10)

- - يا مخلف الهقوهـ .. ظنونكـ عرايا.. (http://www.weelan.com/vb/showthread.php?t=15532)

يا مخلف الهقوهـ .. ظنونكـ عرايا..

يارب اجرني من جميع الخطايا=واقسم لعبدك من جنانك مقاسيم
والهمني الحكمة مادام النوايا=بيضاء بياض الشاش ماهن مجاهيم
نعطي ولانبحث برد العطايا=ورد الثنى ضمن الامور الملازيم
والليله الليله بليا مزايا=تخالفت بين الرجال المفاهيم
يامخلف الهقوة ظنونك عرايا=ماهي طباع العارفين الشغاميم
صدرتها من دون ملح وحلايا=وأقبلت بافكارك على سين ٍ وجيم
ماهي لك ولاهي لأهلك السوايا=اللي تحطم فعل الاجواد تحطيم
وراك شيخان ٍ تمد الهدايا=وتفرح الليا طابت وجيه مكاظيم
صفحاتهم بالطيب دايم ملايا=وافعالهم ماتنحجب كنها الغيم
وانته علامك ياحميد السجايا=تبحث ورى سود الظنون المباهيم
العالم الله من بيده البرايا=أن النوايا من كلامك مظاليم
وإسلم ولك مني جميع التحايا=عد النجوم الساطعات المناظيم

منصور المعمري