°~*¤®§(§ شبـــكة ويــلان العـربـيـه §)§®¤*~ˆ° - يابحر فيني من الحزن كثر ما فيك

- منتدى المختارات الشعريه (http://www.weelan.com/vb/forumdisplay.php?f=10)

- - يابحر فيني من الحزن كثر ما فيك (http://www.weelan.com/vb/showthread.php?t=15613)

يابحر فيني من الحزن كثر ما فيك

يابحر .. فيني من الحزن .. كثر مافيك ..

من حزن .. وأوجاع .. وغياب وغرايب ..

لاتلومني إليــا شفتني .. دايم أجيـك ..

ولاشفتني دايــم .. على الشــط ذايب ..

حزني كبير.. أكبر من حدود ..شاطيك ..

وأقسـى من جـروح الزمــان العطايب ..

وإن كان تنشدني فأنا .. مقدر أخفيك ..

دايــم أظن .. ويطلع الظن .. خــــايب ..

في هالزمن .. أقرب حبايبك يشقيك ..

إلين تدفـــع في غــــلاه .. الضرايـب ..

من بعد هذا .. يبتعد عنك .. ويجفيــك ..

ماكنه .. بجنبك .. قضى الوقت طايب ..

وإلا .. الخوي اللي توقعت .. يفديــك ..

يفديك بعمره .. لاغدت بـك .. نشايب ..

صـد .. وتصـدد .. مايبي سـمع طاريك ..

وياما .. أنت دونه .. أتعبتك .. الطلايب ..

لاتقول لي .. بدري .. وتوك .. ويمديــك ..

وتعال .. وأسمع باقي الهرج .. صـايب ..

خلك بحــالك .. وأطـلب الرب .. يهديـك ..

ولاتنشـد اللي غـاب .. وين أنت غايب ..

وإن شفتني غايب .. عن حدود شاطيك ..

أعرف تراني .. تحت ذيــــك النصــايب ..

وأعرف تراني .. دايم إن ضقت .. باجيك ..

لأني .. أنا والمـــوج .. صرنــا حبايب