°~*¤®§(§ شبـــكة ويــلان العـربـيـه §)§®¤*~ˆ°

اليكم هذه المساجله وكانت بيني وبين الشاعر سعد السبيعي

الله على اللي لاكفخ كنـه الطيـر=جمسٍ حمر يعجبـك يـومٍ تتلـه
وسواقه غلامٍ يحب المشـاويـر=قطع الفيافي والسهر عـادةٍ لـه
نبغاه يسري باالعجل دون تأخيـر=يوصل لابو طامي سلام بسجلـه
خوينا اللي ما يجي منه تقصيـر=عـزالله أنـك خوتـه مـا تملـه
من طيب فعله دوم مذ كورباالخير=رجلٍ فهيم ولا تجـي منـه زلـه
متعودٍ للطيب من يو مـه صغيـر=طيبه قد يم وارثه مـن هـلٍ لـه
دايم يرحب لا لفوه المسـاييـر=أناأشهد أنه منقع الطيـب كلـه
نبي المشوره من صبي المناعيـر=اللي رفيقه ما يشوف المـذلـه
ونشرح له الموضوع كله بتقريـر=وهو منبع الحكمه وقـادريحلـه
أنا يا بوطامي غدتبي التفاكيـر=وعيني غزيرالدمع دايـم تهلـه
با سباب حب الزين سيدالغنادير=اللي رموشه كا سي العين ظلـه
غروٍ نهوده فوق صـدره مزابيـر=والشعر الأشقر فوق كتفـه يفلـه
شفته مع البدوان يتلي المظاهيـر=ما بين عرعر والحديثـه محلـه
جمالها ما فيـه غـشٍ وتزويـر=ما تدور الموضه بوسط المجلـه
ما تعرف المكياج ولا المناكيـر=ولاطبـت الأسـواق ولا تـدلـه
حبيبتي مشروبهـا جمـةالبيـر=بدويةٍ بيت الشعر مسكـنٍ لـه
قلبي عشق بنت الرجال المشاهير=لاكن يابو طامي عجزنا نصل لـه
من دونه اللي لا نتفض كنه الزير=سيفه ورمحه بااللقى يشهـدٍ لـه
واحترت ويش الحل ويش التدابير=أفزع يا بو طامي وحـل الشكلـه
وأخرأ بيا تي لك تحيه وتقديـر=أعداد كل حرفٍ حو تـه السجلـه

الشاعر/فرحان الفدعاني

وهذا ردالشاعر سعد السبيعي

البا رحه كني على لاهـب الكيـر=كني على جمرآ جحيمـآ وملـه
جاني كتا بآ فيه زين التعـا بيـر=من صاحبآ يشكي علي عشقتلـه
يقول حبه يسمر القلـب تسميـر=أدعج غنج من قا بله مـا يملـه
عين الغزال اللي يـرب العثاميـر=اللي يقود الصيـد دقـه وجلـه
تتل قلبـه تـل دلـو النواعيـر=لاد بـرت بـه حايـلآ مستجلـه
أبو قرونً فوق ردفه دعـاثيـر=شليل شقرا لاوجت فـي محلـه
ماحطت المكياج عنـد الكوافيـر=سبحان منهو خالقـن صورتلـه
عمهوجتن فيها من الحور تصوير=اللون لون الحور والـد ل دلـه
والله مالومه يوم د معه غوازيـر=يا لعنبـو مـن لام خـلآ بخلـه
جعل النصوب المرد مات المزابير=تمطر على داره وتسقـي محلـه
وسقاه من در الثريا شخـا تيـر=خمسة عشر ليل السحا يب تعلـه
لين البختري والنفـل والنواويـر=تنبت على هاك السها ل المطلـه
ياالوايلي يا مكرمين الخطا طيـر=يا بخت منهـو بااللقـا فزعتلـه
أخطب وأنا لك حاضرآ باالدنا نير=والحبـل لامنـه تعقـد نحـلـه
كلش فدالك يا صبـي المخاسيـر=حالـي ومالـي جعلهـا فدوتلـه
وأن عا ضبوا مالي عليهم مقادير=حكام وحكومات فـي كـل حلـه
حكومتن مثل الجبـال المواعيـر=عسى لساني ما يجي فيـه زلـه
أولاد وائل ينطحـون الطوابيـر=دون الدخيل السيف الأملح تسلـه
وليا تعلو فوق قـب المشاهيـر=كم خيرآ باالمعركـه قيـل خلـه
ولاصاح صياحآ بروس الشنا ظير=لحقو على قحصن سوات الأهلـه

الشاعر/سعد السبيعي