°~*¤®§(§ شبـــكة ويــلان العـربـيـه §)§®¤*~ˆ° - ساكرالخمشي وابوزويد في وصف الذلول (بمجلس ابن رشيد)

- منتدى المختارات الشعريه (http://www.weelan.com/vb/forumdisplay.php?f=10)

ساكرالخمشي وابوزويد في وصف الذلول (بمجلس ابن رشيد)

كان الشاعر/ ساكربن ناصر الخمشي من ولد سليمان من عنزه من الذي يجيدون وصف الهجن
ويشتهرون بوصفها وكان في مجلس الامير محمد العبدالله الرشيد ومن ضمن الجالسين الشاعرخلف
بن رخيص السنجاري الشمري وكان يجيد وصف الهجن ايضا وقدم لهم ابن رشيد ذلول حمرا نجيبه
وطلب منهم ان يقوم كل واحد منهم بوصفها ومن يجيد وصفها اكثر من الثاني سوف يفوز بها
وقيل ان ساكرابن ناصر الخمشي فاز باذلول حسب رواية الرواه

قال خلف ابن رخيص(ابوزويد) بوصف الذلول :

أناهوى بالي خطات السجله = هذي هوى بالي وغاية مرادي
مدحية الفخذين طوله بجله = حمرا ودمث غاربه للشدادي
حمرا ومذنب عينها تقل قله = كنه لهيب النارعقب السوادي
حمرا عراب الجيش مايلحقله = بالوصف تقل مولفه لك أستادي
ربداء وشافت واحدً قاعدله = ودلت تنزح مع قرى راس وادي
لاجللوا سود القرب بالأجله = والماء بعيد وحال دونه حمادي
راموا مهامه سهله ماتدله = بها ردي الخال ماله جلادي
مع جرهد البيداء دروبه تمله = تتلي عقيد ٍ ضاري للمعادي
وأن بركن عوص النضى بالأضله =بالقايله دلا قرينه ايدادي
وأنغاب عنها كافره وأسفهله = لاتقل له رب المقاديرهادي
تشدى تهنفل طامح جاه خله = متعني له من ديارابعادي
دلت تنقض من فرحها اقذله = عقب المغيبه والبطأ جاه بادي

وقال: ساكرابن ناصرالخمشي بوصف الذلول

انا شفاتي حايل حيلوها = الياما تعادل بالأهر شحمها
مثل القموع ديودها ما احلبوها = فصلت بدن مابين فخذه وفمها
وصايف الريمي الى وصفوها = مارأن في عينك تكابراقصمها
لوأمها بضرابها مااحفظوها = كان أتهموا غدي الوضيحي غشمها
عوصى نجيبه للسفر ولموها = حايل ولاعمر الحوير لغمها
ذلول من هجن اللحاوي شروها = ياكبر حظ اللي قناها وغنمها
عينه تشادي جمرة خلصوها = أركا عليه السمكري من فحمها
عين السروق وسرقته كد لقوها = نتفت سواعد لحيته ماحشمها
شيبا ضهر من كثرماغربلوها = ولاهي برغايه كتوم نسمها
زبن الثنين بسهله مامشوها = اليا حميت الشرقة وأكلهم وحمها
جهال غادين البخت وأجهلوها = قامت اتقرط بالمزاهب اعممها
وأن مهلوله بالرسن وانهموها = تفصم قراريص الرسن من عدمها
وإلى حداهم واهج واعتلوها = راحت تقل دلو(ن) تقطع وذمها
أسرع من اللي بالولع نفجوها = تزبنت قور(ن) تقادح رضمها
يرجون منها الماء إلى وردوها = لاحل في تالي الركايب وهمها
اليا روحت كل الرفاقه رجوها = الكل يركض عدهم من خدمها
تشدى تجضر خفرةٍ زوجوها = لخطوالغشيم اللي بكفه لطمها

وسلامتكم