نشّـدوا وش قصـة السبحـه الــي فــي يميـنـي=قالـوا سبحـة شاعـره؟؟ قلـت سبحـه سـاحـره
ريحها من ريح غالي مسكنـه فـي نـون عينـي=في مسا شعـري عـن الغاليـن كانـت حاضـره
ابتـدى لـيـل القصـايـد واسفـهّـل ابـهـا كنيـنـي=وانتثـر منّـي شعـور ازريـت أوقــف مـاطـره
وانتشيت وزان حرفي وأطرب الي حاظريني=وصفقّولـي وأسعـدونـي بالجـمـوع الحـاظـره
والحروف الـي تعاندنـي سجـدت قـدام عينـي=وكـل بيـت يـقـول عـنـك لـيـن يـاصـل آخــره
وسالت دموع العـذارى يـوم هيجنـت بحنينـي=قـلـت ياشـعـري تـرفــق بالـعـيـون الـسـاهـره
وجازلي ليل القصيـد وزانـت السهـره بعينـي=وكـــان لابـــد أختـمـهـا بالقـصـيـده الـفـاخـره
مـن بنـات الفكـر جزلـه قافهـا يلعـب هجيـنـي=كنـهـا فــي مــدح شـيـخٍ طيـبـه كـــلٍ خـابــره
يـوم دقـت ساعـتـي وسبـحـة الغـالـي بيميـنـي=كــن خـرزهـا قـالـي صــح قـــول الـشـاعـره

اختي الشاعره اميرة الحرف

صح لسانك ولاهنتي

نص مثل السبحه الساحره

نص راقي

لله درك ولايضرك

دمتي بخير وعافيه

يوم دقت ساعتي وسبحـة الغالـي بيمينـي=كن خرزها قالـي صـح قـول الشاعـره