°~*¤®§(§ شبـــكة ويــلان العـربـيـه §)§®¤*~ˆ° - مرثية شهيد الواجب الملازم أول عبدالعزيز العنزي

- منتدي الشعراء (http://www.weelan.com/vb/forumdisplay.php?f=8)

مرثية شهيد الواجب الملازم أول عبدالعزيز العنزي

بسم الله الرحمن الرحيم
هذة القصيدة كتبتها مرثية بشهيد الواجب الملازم أول عبدالعزيز بن نايف الجعفري العنزي
(رحمة الله)
ببدأ وأنا في داخـــلـــي هـم وجـــــروح.................وأذكـر تفاصيـل الليالـي العتـيمـــه

واللي خلقني نافخ(ن)فينــي الــــــروح................ إن الصياح بهالـزمن دون قـيــمـه

أصيح وأشكي من ردى خاطــري نوح................. وما فيه من يروي ظمي كـل ديمه

راح الرفيق وما بقـى داخلــي بــــــوح................. كتمــت ما يخفـى وربي عـليـمــــه

عبدالعزيز اللي من الغــدر مذبــــــوح .................أقفـى ضحيــه غـــدر والله ظليمــه

لا ما برد دمك إذا دمــه يفــــــــــــــوح ................ ولا تنتهى ذكرى الرجــال العظيمه

مرحوم يا رجل(ن)إذا أخطيت مسموح................. رحمه من الله تـعـمـــك سـلـيـمــه

يالله أنا بطلبك من قلـــــب مجــــــروح .................تجعــل فقيدك بالجنــان الـمقـيمــه

وختام قولي أكتبـــه داخــــــل اللــــوح................. ما يـنفـقـد يا كود ناس(ن)كريمــه

رحمك الله يا أبو نايف وأسكنك فسيح جناتـــة