بسيطة متهالكة



تخطب ود الذائقة

ماعدت انا باغي سوى حضن امي=ولاعدت قاوي للسهر والمنافي
ياليل شف دمعي على اطراف كمي=وشف مركبي عاجز يدل المرافي
شفني اطيح وهقوتي ماتسمي=شفني وتعرف كل ماكان خافي

اصحاب؟؟قصدك اقنعة؟؟طلبتك لاتقول اصحاب=ياعمي لاتذكرني ,,نشف وجهي من اصحابي
احباب؟؟وعمري ادفعه؟؟واراقب جية الغيِّاب؟؟=لا لا,,لاتجيب هالطاري يذكرني بغيِّابي

/

/

مادامك جبت طاريهم وطارت للحنين اسراب=لاتلوم غصني لاانكسر ليا من طارت اسرابي
احباب,,ويمتلي بالشوق قلبٍ في طرفه عْتاب=احباب,,وتِنبت الذكرى دموع تباغت اهدابي
احباب,,وتجفل الخطوة واعديها على المرقاب=احباب,,ويقنب للغلا ذيب فـ راس مرقابي
احباب,,وينثني غصن الزمان وتنثني ارقاب=احباب,,وتورق بالصدر ضيقة واشقق ثيابي
تعبت ارمي نظر عيني واقول ان السنين رْكاب=ويرجع هالنظر خايب ونار الشوق تصلابي
تعبت ارسم ملامحهم واطيب خاطرٍ ماطاب=تعبت اجلب لهم دمعي ولابه خير مجلابي
مـــ تدري فـ برد المنافي سوى دمعة المنصاب=ابد ماحس به ليلٍ حطب ظلعي وتدفابي
لو الليالي وافية ماضاقت فيني الاسباب=لو الليالي صافية ماشفت الضيق غنى بي
لك الله مابقى بصدري مكانٍ ماهو بمرتاب=لك الله مابقى فيني كلامٍ يجبر مْصابي
ياعمي خلني ساكت ,,دخيلك لا تقول احباب=طلبتك لاتذكرني نشف وجهي من احبابي

نشف

وجهي

من احبابي

مخرج

يانوت هاتي مابقى من سوالف=مابه احد يستاهل الدمع يانوت
ادري ظروف الوقت ضدي تحالف=بس اوعدك ماموت ماموت ماموت

اخي الشاعر متعب السبهان

صح لسانك مدد بلا عدد

لاهنت ولاهان منطوقك

ابدعت لله درك ولا يضرك

نص غارق بالجمال الشعري

دمت كما تحب

ماعدت انا باغي سوى حضن امي=ولاعدت قاوي للسهـر والمنافـي
ياليل شف دمعي على اطراف كمي=وشف مركبي عاجز يدل المرافـي
شفني اطيـح وهقوتـي ماتسمـي=شفني وتعرف كل ماكـان خافـي

اصحاب؟؟قصدك اقنعة؟؟طلبتك لاتقول اصحاب=ياعمي لاتذكرني ,,نشف وجهي من اصحابـي